ଭାଙ୍ଗିଗଲା ବନ୍ଦେ ଭାରତ ଏକ୍ସପ୍ରେସର ସମ୍ମୁଖ ଭାଗ, ୩୦ରେ ଉଦଘାଟନ କରିଥିଲେ PM
ଗାନ୍ଧୀନଗର: ଦୁର୍ଘଟଣାଗ୍ରସ୍ତ ହୋଇଛି ବନ୍ଦେ ଭାରତ ଟ୍ରେନ । ଗୁଜୁରାଟରେ ଦୁର୍ଘଟଣାଗ୍ରସ୍ତ ହୋଇଛି ବନ୍ଦେଭାରତ ଏକ୍ସପ୍ରେସ୍ । ଗୁରୁବାର ସକାଳେ ବତ୍ତ୍ବ ରେଳ ଷ୍ଟେସନରୁ ମାନୀନଗର ଯାଉଥିବା ବେଳେ ଏକ ମଇଁଷିକୁ ଧକ୍କା ଦେଇଥିଲା ଏହି ସେମି ହାଇସ୍ପିଡ୍ ଟ୍ରେନ୍ । ମଇଁଷିପଲକୁ ଧକ୍କା ଦେବାପରେ ଟ୍ରେନ୍ର ସମ୍ମୁଖ ଭାଗ ସାମାନ୍ୟ ଭାଙ୍ଗି ଯାଇଥିଲା । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସେପ୍ଟେମ୍ବର ୩୦ ତାରିଖରେ ଗାନ୍ଧୀନଗରରୁ ମୁମ୍ବାଇ ରୁଟ୍ରେ ବନ୍ଦେ ଭାରତ ଏକ୍ସପ୍ରେସର ଶୁଭାରମ୍ଭ କରିଥିଲେ ।
ମିଳିଥିବା ସୂଚନା ମୁତାବକ ସକାଳ ୧୧ଟା ବେଳେ ଏହି ଟ୍ରେନ୍ ଅହମ୍ମଦାବାଦରୁ ମୁମ୍ବାଇ ଅଭିମୁଖେ ଗ୍ରସ୍ତ ଆରମ୍ଭ କରିଥିଲା । ମୁମ୍ବାଇରେ ପହଁଚିବା ପୂର୍ବରୁ ଏକ ମଇଁଷି ପଲକୁ ବତ୍ତ୍ବ ରେଳ ଷ୍ଟେସନରୁ ମାନୀନଗର ମଧ୍ୟରେ ଧକ୍କା ଦେଇଥିଲା । ଦୁର୍ଘଟଣା ପରେ ଜଣେ ରେଳ କର୍ମଚାରୀ ଟ୍ରେନ୍ର ମୁଖ ପାର୍ଶ୍ବରୁ ଭାଙ୍ଗି ଯାଇଥିବା ଅଂଶକୁ ହଟାଇଛନ୍ତି । ଟ୍ରାକ୍ କ୍ଲିୟର ପରେ ପୁନଃ ବନ୍ଦେ ଭାରତ ଏକ୍ସପ୍ରେସ୍ ସେବା ଆରମ୍ଭ ହୋଇଥିବା ସୂଚନା ମିଳିଛି ।
ରବିବାରକୁ ଛାଡି ସପ୍ତାହକୁ 6 ଦିନ ଚାଲୁଛି ବନ୍ଦେ ଭାରତ ଏକ୍ସପ୍ରେସ । ବନ୍ଦେ ଭାରତ ଟ୍ରେନ୍ ନମ୍ବର 20901 ସପ୍ତାହକୁ 6 ଦିନ ମୁମ୍ବାଇରୁ ସକାଳ 6ଟା 10ରୁ ବାହାରି ଗାନ୍ଧୀନଗରରେ 12ଟା 30ରେ ପ୍ରତିଦିନ ପହଁଚୁଛି । ଟ୍ରେନ ନମ୍ବର 20902 ଅପରାହ୍ନ 2ଟା 5ରୁ ଗାନ୍ଧୀନଗରରୁ ବାହାରି ରାତି 8ଟା 35ରେ ମୁମ୍ବାଇରେ ପହିଞ୍ଚିବ । ଏଥିରେ 16ଟି କୋଚ୍ ରହିଛି । ଏକ୍ସପ୍ରେସ୍ରେ ପାଖାପାଖି 1,128 ଯାତ୍ରୀ ବସିବାର କ୍ଷମତା ରହିଛି । ଏହାର ଓଜନ 392ରୁ ଟନ୍ରୁ 38 ଟନକୁ କମାଇ ଦିଆଯାଇଛି ।
