ଭାଲେଣ୍ଟାଇନ ଡେ’ କୁ ବିରୋଧ କରିବନି ବଜରଙ୍ଗ ଦଳ
ଆଜି ଭାଲେଣ୍ଟାଇନ ଡେ’ । ପ୍ରେମ ଦିବସକୁ ଧୁମଧାମରେ ପାଳିବାକୁ ପ୍ରସ୍ତୁତ ପ୍ରେମୀ ଯୁଗଳ । ଏପଟେ ଲଭବାର୍ଡଙ୍କ ସେଲିବ୍ରେସନରେ ବାଧା ଦେବାକୁ ସଜବାଜ ହୋଇଛି କଳିଙ୍ଗ ସେନା । ଅସଂଜତ ଅବସ୍ଥାରେ ଥିଲେ ପ୍ରେମୀ ଯୁଗଳଙ୍କୁ ଗିରଫ କରିବା ପାଇଁ ପୋଲିସ କମିଶନରଙ୍କୁ ପୂର୍ବରୁ କଳିଙ୍ଗ ସେନା ପକ୍ଷରୁ ଦାବିପତ୍ର ଦିଆଯାଇଛି । କଳିଙ୍ଗ ସେନାର କହିବା କଥା, ପାର୍କ, ମଲ, ହୋଟେଲ ଓ ରେସ୍ତୋରାଁରେ ପ୍ରେମୀ ଯୁଗଳଙ୍କ କାରନାମା ସମାଜ ଉପରେ ଖରାପ ପ୍ରଭାବ ପକାଉଛି ।
ଅପରପକ୍ଷେ ଭାଲେଣ୍ଟାଇନ ଡେ’ କୁ ବିରୋଧ କରିବନି ବୋଲି କହିଛି ବଜରଙ୍ଗ ଦଳ । ପ୍ରେମୀ ଯୁଗଳଙ୍କ ପ୍ରେମ ସପ୍ତାହରେ ବାଧା ସାଜିବନି ଦଳ । ଯଦି କୈାଣସ ସଂଗଠନ କିମ୍ବା ଯୁବକ, ବଜରଙ୍ଗ ଦଳ ନାଁରେ ଭାଲେଣ୍ଟଇନ ଡେରେ ଅସମାଜିକ କାର୍ଯ୍ୟ କରେ, ତାଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନିଆଯିବ ବୋଲି ଖୋର୍ଦ୍ଧା ଜିଲ୍ଲା ପ୍ରଭାରୀ କହିଛନ୍ତି ।
