କୋଭିଡ୍ କେୟାର ସେଣ୍ଟରକୁ ମିଳିବନି ଟିକା, ଏପ୍ରିଲ ୩୦ ପରେ ବନ୍ଦ

ଭୁବନେଶ୍ବର: ୩୦ଏପ୍ରିଲ ପରେ ଘରୋଇ କୋଭିଡ୍ କେୟାର ସେଣ୍ଟରକୁ ମିଳିବନି ଟିକା । ଟିକା ନ ଦେବାକୁ ସମସ୍ତ ଜିଲ୍ଲାପାଳଙ୍କୁ ଚିଠି ଲେଖିଲେ ସ୍ୱାସ୍ଥ୍ୟ ବିଭାଗ ACS ପ୍ରଦୀପ୍ତ ମହାପାତ୍ର । ଘରୋଇ ହସ୍ପିଟାଲକୁ ୨୫୦ଟଙ୍କିଆ ଟିକା ଯୋଗାଣ ପାଇଁ ମନା କରିଛନ୍ତି ACS ।

ସମସ୍ତ ଘରୋଇ ମେଡିକାଲ ସିଧାସଳଖ ଉତ୍ପାଦ କମ୍ପାନୀ ଠାରୁ ୫୦ ପ୍ରତିଶତ ଟିକା ଆଣିପାରିବେ । ସେହିଭଳି ସମସ୍ତ ଜିଲ୍ଲାପାଳ ମାନଙ୍କୁ ଠିକ୍ ସମୟରେ କୋଭିଡର ଦ୍ୱିତୀୟ ଡୋଜ୍ ସାରିବାକୁ ନିର୍ଦ୍ଦେଶ ଦେଇଛନ୍ତି ଏସିଏସ୍ ।

ବହୁ ସ୍ଥାନରେ ପ୍ରଥମ ଡୋଜ୍ ନେବାପରେ ୨ୟ ଡୋଜ୍ ବାକି ଅଛି । ଏହାକୁ ଧାର୍ଯ୍ୟ ସମୟରେ ସାରିବାକୁ ସମସ୍ତ ଜିଲ୍ଲାପାଳଙ୍କୁ ଚିଠି ଲେଖି ନିର୍ଦ୍ଦେଶ ଦେଇଛନ୍ତି ଏସିଏସ୍ । କୋଭିଡର ଭୟାବହ ସ୍ଥିତିରେ ଟିକା କରଣକୁ ମଧ୍ୟ ପ୍ରାଧାନ୍ୟ ଦେଇଚାଲିଛନ୍ତି ରାଜ୍ୟ ସରକାର । ଅତିରିକ୍ତ ଶାସନ ସଚିବଙ୍କ ନିର୍ଦ୍ଦେଶ ମୁତାବକ ଏପ୍ରିଲ ୩୦ ତାରିଖ ପରେ କୋଭିଡ କେୟାର ସେଣ୍ଟରକୁ ଟିକା ମିଳିବ ନାହିଁ ।