ଭ୍ୟାକ୍ସିନ୍ ଟୁରିଜିମ୍: ଋଷ ବୁଲାବୁଲି ସହ ନେଇପାରିବେ ସ୍ପୁଟନିକ୍ ଟିକା, ପ୍ୟାକେଜର ଦାମ୍ କେତେ ଜାଣନ୍ତୁ…

ନୂଆଦିଲ୍ଲୀ: ଦେଶରେ କରୋନା ସଂକ୍ରମଣ ବ୍ୟାପୁଥିବା ବେଳେ ଟ୍ରାଭେଲ୍ ଏଜେନ୍ସି ପକ୍ଷରୁ ବିଭିନ୍ନ ଟୁରିଜିମ୍ ପ୍ୟାକେଜ୍ ଘୋଷଣା କରାଯାଉଛି । ଏଭଳି ସମୟରେ ଦିଲ୍ଲୀରେ ଏକ ଟ୍ରାଭେଲ୍ ଏଜେନ୍ସି । ଏହି ଏଜେନ୍ସି ପର୍ଯ୍ୟଟକ ମାନଙ୍କୁ ୨୪ ଦିନର ଋଷ ପ୍ୟାକେଜ୍ ଘୋଷଣା କରିଛି । ଯେଉଁଥିପାଇଁ ଲୋକଙ୍କୁ ଦେବାକୁ ପଡିବ ଜଣେକା ୧.୩୦ ଲକ୍ଷ ଟଙ୍କା।

ଆଉ ମସ୍କୋରେ ସ୍ପୁଟନିକ୍ ଭିର ଦୁଇଟି ଡୋଜ୍ ନେଇପାରିବେ। ଏହି ଟୁରିଜିମ୍ ପ୍ୟାକେଜ୍ ଅନୁଯାୟୀ ସ୍ପୁଟନିକ୍ ଭି ଟିକା ନେବାକୁ ଆଗ୍ରହୀ ଥିବା ବ୍ୟକ୍ତି ମାନେ ବୁକିଂ କରିପାରିବେ। ଏହାର ଦୁଇଟି ଡୋଜ୍ ମଧ୍ୟରେ ୨୧ ଦିନର ବ୍ୟବଧାନ ରହିଛି ଏବଂ ଏହି ସମୟରେ ପର୍ଯ୍ୟଟକ ମାନେ ଋଷିଆର ବିଭିନ୍ନ ଲୋକପ୍ରିୟ ସ୍ଥାନରେ ବୁଲାବୁଲି କରିପାରିବେ । ଭ୍ୟାକ୍ସିନ ଟୁରିଜିମ୍ ନେଇ ସ୍ପୁଟନିକ୍ ଭି ମଧ୍ୟ ଟ୍ୱିଟ୍ କରିଛି ।

ଟ୍ରାଭେଲ୍ ଏଜେନ୍ସି ମୁତାବକ, ପର୍ଯ୍ୟଟକ ମାନେ ମସ୍କାେରେ ପହଞ୍ଚିବାର ଗୋଟିଏ ଦିନ ପରେ ଟିକା ଦିଆଯିବ । ବିଦେଶୀ ମାନେ ଋଷରେ ଅତି କମରେ ୭ ଦିନ ରହିଲେ ଟିକା ନେଇପାରିବେ । ହେଲେ ଏଥିପାଇଁ ସେମାନଙ୍କୁ ପୂର୍ବରୁ ରେଜିଷ୍ଟ୍ରେସନ୍ କରାଇବାକୁ ପଡିବ, ଯାହା ଏହି ଟ୍ରାଭେଲ୍ ଏଜେନ୍ସି କରାଉଛି ।

Sputnik V mission is to save lives and bring back normality to everyone around the world. It's of paramount importance to us. Just to be clear, this was not an April Fools' Day joke. We are working to start this program in July.

— Sputnik V (@sputnikvaccine) April 1, 2021

ଗତ ଏପ୍ରିଲ୍ ୧ରେ ସ୍ପୁଟନିକ୍ ଭି ଭ୍ୟାକ୍ସିନ୍ ଟୁରିଜିମ୍ ଉପରେ ଏକ ଟିଜର୍ ଟ୍ୱିଟ୍ କରିଥିଲା । ଆଉ ଲେଖିଥିଲେ, ସେମାନଙ୍କ ପ୍ରୋଗ୍ରାମ୍ ଆରମ୍ଭ ହେବା କ୍ଷଣି ଲୋକମାନେ ଋଷ ଯାଇକି ସ୍ପୁଟନିକ ଭି ଭ୍ୟାକ୍ସିନ୍ ଲଗାଇପାରିବେ ।

ତେବେ ଦିଲ୍ଲୀର ଏହି ଟ୍ରାଭେଲ୍ ଏଜେନ୍ସି ଅନୁସାରେ ଭ୍ୟାକ୍ସିନ୍ ଟୁରିଜିମ୍ ପ୍ୟାକେଜ୍ ଅଧିନରେ ଗତ ମେ ୧୫ରେ ପ୍ରଥମ ବ୍ୟାଚରେ ପ୍ରାୟ ୩୦ ଜଣ ମସ୍କୋ ଅଭିମୁଖେ ଯାଇଛନ୍ତି । ଦ୍ୱିତୀୟ ବ୍ୟାଚ୍ ମେ ୨୯ ତାରିଖରେ ଗସ୍ତ କରିବ । ଏହାର ବୁକିଂ ଫୁଲ୍ ହୋଇଯାଇଥିବା ବେଳେ ଏଥିରେ ଅଧିକାଂଶ ଦିଲ୍ଲୀର ଡାକ୍ତର ରହିଛନ୍ତି ।