ମେ’ ୧ରୁ ୧୮ରୁ ଊର୍ଦ୍ଧ୍ୱ ବୟସ୍କଙ୍କୁ ଟିକାକରଣ ନେଇ ଆଶଙ୍କା, ଆଜି ମାତ୍ର ୬ ଶହ କେନ୍ଦ୍ରରେ ଦିଆଯାଉଛି ଟିକା
1 min read
ଭୁବନେଶ୍ୱର: ଅନିଶ୍ଚିତତା ଭିତରେ ମେ’ ପହିଲାରୁ ୧୮ରୁ ୪୪ ବର୍ଷ ବୟସ୍କଙ୍କୁ ଟିକାକରଣ । ଦେଶରେ ମେ’ ୧ରୁ ତୃତୀୟ ପର୍ଯ୍ୟାୟ ଟିକାକରଣ ଆରମ୍ଭ ହେବ । କିନ୍ତୁ ରାଜ୍ୟରେ ଭ୍ୟାକ୍ସିନ୍ ସଂକଟ ଲାଗି ରହିଛି । ଭ୍ୟାକ୍ସିନ୍ ଅଭାବ ଯୋଗୁଁ ଗତକାଲି ରାଜ୍ୟରେ ମାତ୍ର ୮୮ ହଜାର ୭୭୦ ଜଣଙ୍କୁ ଟିକା ଦିଆଯାଇଛି । ରାଜ୍ୟରେ ଆଜି ଯାଏ ସମୁଦାୟ ୫୬ ଲକ୍ଷ ୩୯ ହଜାର ୧୫୦ ଜଣଙ୍କୁ ଟିକା ଦିଆଯାଇଛି । ଆଜି ୬ ଶହ କେନ୍ଦ୍ରରେ ଓ ସବୁ ଜିଲ୍ଲାରେ ଟିକା ଦିଆଯାଉଛି ।
ଏବେ ୧.୨୩ ଲକ୍ଷ କୋଭିସିଲ୍ଡ ଅଛି, ଆଜି ପାଇଁ ଏହା ଚାଲିବ । ୩.୬୫ ଲକ୍ଷ କୋଭାକ୍ସିନ୍ ଅଛି ଯାହା ଆଉ ୪ ସପ୍ତାହ ଚାଲିବ । ଅଧିକ କୋଭିସିଲ୍ଡ ପାଇଁ ଗତକାଲି କେନ୍ଦ୍ରକୁ ଚିଠି ଲେଖିଛୁ ବୋଲି ପରିବାର କଲ୍ୟାଣ ନିର୍ଦ୍ଦେଶକ ଡାକ୍ତର ବିଜୟ ପାଣିଗ୍ରାହୀ କହିଛନ୍ତି । ତେବେ ଆସନ୍ତାକାଲି ଠାରୁ ତୃତୀୟ ପର୍ଯ୍ୟାୟ ଟିକାକରଣ ପାଇଁ ୧୮ରୁ ୪୪ ବର୍ଷ ବୟସ୍କ Co-WIN ପୋର୍ଟାଲରେ ପଞ୍ଜିକରଣ ହେବ ।
ଆମେ ଏ ଯାଏ ଟିକା ପାଇନୁ । ଟିକା ପାଇବା ପରେ ଜଣେଇବୁ କେବେ ସେମାନେ ଟିକା ନେବେ । ଆମେ ଯାହା ଖବର ପାଇଛୁ, କୋଭିସିଲ୍ଡ ପାଇବାରେ ଡେରି ହେବ । କୋଭାକ୍ସିନ୍ ମେ’ ଭିତରେ ଦେଇ ଦେବେ । ଟିକା ପାଇବା ପରେ ଆମେ ଜଣେଇବୁ ୧୮ରୁ ୪୪ ବର୍ଷ ଲୋକଙ୍କ ଲାଗି କେବେ ଠାରୁ ଟିକାକରଣ ଆରମ୍ଭ ହେବ ।
