କୋଭିଡ୍ ଟିକା ନେବେ ଡିଜିପିଙ୍କ ସହ ଅନ୍ୟ ପୋଲିସ ଅଧିକାରୀ
ଭୁବନେଶ୍ୱର: ରାଜ୍ୟରେ ସ୍ୱାସ୍ଥ୍ୟକର୍ମୀଙ୍କୁ କୋଭିଡ୍ ଟିକା ଦିଆଯାଉଛି । ଏବେ ଆଗଧାଡ଼ିର ଯୋଦ୍ଧାଙ୍କୁ ଟିକା ଦିଆଯିବ । ଭୁବନେଶ୍ୱରରେ ୧୯ଟି ପ୍ରତିଷ୍ଠାନର ୮ ହଜାର ୯ ଶହ ୩୭ ପୋଲିସ କର୍ମଚାରୀ ଓ ହୋମଗାର୍ଡଙ୍କୁ ଟିକା ଦିଆଯିବ । ରିଜର୍ଭ ପୋଲିସ ହସ୍ପିଟାଲ, ୭ମ ବାଟାଲିୟନ ହସ୍ପିଟାଲ ଏବଂ ସିପି କାର୍ଯ୍ୟାଳୟକୁ ମିଶାଇ ୩ଟି ଟିକାକରଣ କେନ୍ଦ୍ର ହୋଇଛି ।
ସେହିଭଳି କଟକରେ ୧୧ଟି ପ୍ରତିଷ୍ଠାନର ୬ ହଜାର ୮ ଶହ ୬୭ ପୋଲିସ କର୍ମଚାରୀ ଓ ହୋମଗାର୍ଡଙ୍କୁ ଟିକା ଦିଆଯିବ । ଇନଡୋର ଷ୍ଟାଡିୟମରେ ଟିକାଦାନ କେନ୍ଦ୍ର ହୋଇଛି । ପ୍ରଥମେ ପୋଲିସ ମହାନିର୍ଦ୍ଦେଶକ ଟିକା ନେବା ପରେ ଡିଜି ହୋମଗାର୍ଡ, ପୋଲିସ କମିଶନର ଟିକା ନେବେ । ଏହାପରେ ଅନ୍ୟାନ୍ୟ ବରିଷ୍ଠ ଅଧିକାର ଓ ହୋମଗାର୍ଡଙ୍କୁ ଟିକା ଦିଆଯିବ ପୋଲିସ କମିଶନର କହିଛନ୍ତି ।
