ଓଡ଼ିଶା ସ୍ବାସ୍ଥ୍ୟ ଭିତ୍ତିଭୂମିକୁ ଉତ୍ତରାଖଣ୍ଡ ସ୍ବାସ୍ଥ୍ୟମନ୍ତ୍ରୀଙ୍କ ପ୍ରଶଂସା, କ୍ୟାପିଟାଲ୍ ହସ୍ପିଟାଲରେ ଅନୁଧ୍ୟାନ
1 min read
ଭୁବନେଶ୍ବର: କ୍ୟାପିଟାଲ ହସ୍ପିଟାଲ ପରିଦର୍ଶନ କଲେ ଉତ୍ତରାଖଣ୍ଡ ସ୍ୱାସ୍ଥ୍ୟମନ୍ତ୍ରୀ ଡକ୍ଟର ଧନ ସିଂ ରାୱତ। ଓଡ଼ିଶାର ସରକାରୀ ହସ୍ପିଟାଲରେ ମିଳୁଥିବା ସ୍ୱାସ୍ଥ୍ୟ ସେବାର ଅନୁଧ୍ୟାନ କରିଛନ୍ତି ରାୱତ । ଏଠାରେ ସ୍ୱାସ୍ଥ୍ୟ ସୁବିଧା ନେଇ ଅନୁଧ୍ୟାନ କରିବା ସହ ରୋଗୀଙ୍କୁ ଦିଆଯାଉଥିବା ମାଗଣା ଔଷଧ, ଧାଡିରେ ଠିଆ ହୋଇ ଔଷଧ ନେବା, ଅସ୍ତ୍ରୋପଚାର ଗୃହ, ୧୭ କୋଟି ବ୍ୟୟରେ ହୋଇଥିବା ମଡୁଲାର ଅପରେସନ ଥିଏଟରକୁ ଦେଖି ସନ୍ତୋଷ ପ୍ରକାଶ କରିଛନ୍ତି ।
ରାଜ୍ୟରେ ମିଳୁଥିବା BSKY ସୁବିଧାକୁ ବି ପ୍ରଶଂସା କରିଛନ୍ତି । ଓଡ଼ିଶାରେ ସରକାରୀ ସ୍ୱାସ୍ଥ୍ୟ ବ୍ୟବସ୍ଥାକୁ ଅତି ଉନ୍ନତମାର ବୋଲି କହିଛନ୍ତି । ରୋଗୀଙ୍କ ସହ ଆଲୋଚନା ବି କରିଛନ୍ତି। ରାଜ୍ୟରେ କାର୍ଯ୍ୟକାରୀ ହୋଇଥିବା BSKYର ପ୍ରଶଂସା କରିବା ସହ ଓଡ଼ିଶାର ସ୍ୱାସ୍ଥ୍ୟ ଭିତିଭୂମିର ପ୍ରଶଂସା କରିଛନ୍ତି ଡକ୍ଟର ଧନ ସିଂ ରାୱତ। ଉତ୍ତରାଖଣ୍ଡରେ ଏବେ ରୋଗୀଙ୍କୁ 5 ଲକ୍ଷ ଯାଏ ମାଗଣା ଚିକିତ୍ସା ସୁବିଧା ମିଳୁଥିବା ସେ କହିଛନ୍ତି।
