ଉତ୍ତରପ୍ରଦେଶରେ ନୂଆ ଆଇନରେ ଦାଖଲ ହେଲା ପ୍ରଥମ ‘ଲଭ୍ ଜିହାଦ’ ମାମଲା
ରାୟବରେଲୀ:ରାଜ୍ୟର ନୂତନ ଧର୍ମ ପରିବର୍ତ୍ତନ ବିରୋଧୀ ଆଇନ ଉତ୍ତରପ୍ରଦେଶରେ ଲାଗୁ ହୋଇଛି । ଉତ୍ତରପ୍ରଦେଶ ପୋଲିସ ଏସମ୍ୱନ୍ଧିତ ପ୍ରଥମ ମାମଲା ଦାୟର କରିଛି । ଯେଉଁଥିରେ ଜଣେ ମୁସଲମାନ ପୁରୁଷ ଜଣେ ମହିଳାଙ୍କ ଉପରେ ଧର୍ମ ପରିବର୍ତ୍ତନ କରିବାକୁ ଚାପ ପ୍ରୟୋଗ କରୁଥିବା ଅଭିଯୋଗ ହୋଇଛି। ବରେଲି ଜିଲ୍ଲାର ଦିଓରାଣୀୟା ପୋଲିସ ଷ୍ଟେସନରେ ଏହି ମାମଲା ରିପୋର୍ଟ କରାଯାଇଥିଲା।
ହିନ୍ଦୁ ମହିଳାଙ୍କ ବାପା ଅଭିଯୋଗ କରିଛନ୍ତି ଯେ, ଅଭିଯୁକ୍ତ ତାଙ୍କୁ ଇସଲାମ ଧର୍ମ ଗ୍ରହଣ କରିବାକୁ ବାଧ୍ୟ କରିଥିଲେ। ସେ ଏହା ମଧ୍ୟ ଜଣାଇଛନ୍ତି ଯେ, ଅଭିଯୁକ୍ତମାନେ ତାଙ୍କ ପରିବାର ସହିତ ମୁହାଁମୁହିଁ ହେବାପରେ ସେମାନଙ୍କୁ ହତ୍ୟା କରାଯିବା ନେଇ ଧମକ ଦେଇଥିଲେ। ସେହିଭଳି ହିନ୍ଦୁ ମହିଳାଙ୍କୁ ଅପହରଣ କରିଥିବା ବେଳେ ଏପର୍ଯ୍ୟନ୍ତ ଅଭିଯୁକ୍ତଙ୍କ କୌଣସି ଅତାପତା ମିଳୁନି ।
