ଯୋଗୀ କ୍ୟାବିନେଟର ନିଷ୍ପତ୍ତି; ବଦଳିବ ଅଯୋଧ୍ୟା ଏୟାରପୋର୍ଟର ନାମ
1 min read
ଲକ୍ଷ୍ନୌ: ଅଯୋଧ୍ୟା ବିମାନବନ୍ଦର ଏବେ ମର୍ଯ୍ୟାଦା ପୁରୁଷୋତ୍ତମ ଶ୍ରୀରାମ ବିମାନବନ୍ଦର ଭାବରେ ପରିଚିତ ହେବ । ଏହାକୁ ମଙ୍ଗଳବାର ଦିନ ଉତ୍ତରପ୍ରଦେଶ (ୟୁପି) କ୍ୟାବିନେଟ ଅନୁମୋଦନ କରିଛି।
ଯୋଗୀ ସରକାରର କ୍ୟାବିନେଟ ବୈଠକରେ ଏହି ନିଷ୍ପତ୍ତି ନିଆଯାଇଥିବା ବେଳେ ଏହାକୁ ଭାରତ ସରକାରଙ୍କ ନିକଟକୁ ପଠାଯିବ।
ସୂଚନା ଅନୁଯାୟୀ, ଏହାକୁ ରାଜ୍ୟସଭାରେ ପାରିତ କରିବା ପରେ ବେସାମରିକ ବିମାନ ଚଳାଚଳ ମନ୍ତ୍ରଣାଳୟକୁ ପଠାଯିବ। ଏହାବ୍ୟତୀତ ଅଯୋଧ୍ୟାର ଏୟାରଷ୍ଟ୍ରିପକୁ ଏକ ଆନ୍ତର୍ଜାତୀୟ ବିମାନବନ୍ଦରର ଆକାର ଦେବା ପାଇଁ ମଧ୍ୟ ଦ୍ରୁତଗତିରେ କାର୍ଯ୍ୟ କରାଯାଉଛି। ପ୍ରଥମ ପର୍ଯ୍ୟାୟରେ A321 ଏବଂ Code-E B777.300 ଶ୍ରେଣୀ ବିମାନର ସଞ୍ଚାଳନ ଆରମ୍ଭ କରାଯିବ ।
ନିକଟରେ ରାଜ୍ୟ ସରକାରଙ୍କ ବେସାମରିକ ବିମାନ ଚଳାଚଳ ଏବଂ ସଂଖ୍ୟାଲଘୁ କଲ୍ୟାଣ ମନ୍ତ୍ରୀ ନନ୍ଦ ଗୋପାଳ ନନ୍ଦୀ କହିଥିଲେ ଯେ ଏଯାଏଁ ୫୨୫ କୋଟି ଟଙ୍କା ଅନୁମୋଦନ କରାଯାଇଛି । ସେଥିମଧ୍ୟରୁ ପାଖାପାଖି ୩୦୦ କୋଟି ଟଙ୍କା ଖର୍ଚ୍ଚ ହୋଇଛି।