ବୁର୍ଜ ଖଲିଫା ସାମ୍ନାରେ ପାଳିଲେ ଉତ୍କଳ ଦିବସ

ଦୁବାଇ: ବୁର୍ଜ ଖଲିଫା ସାମ୍ନାରେ ପାଳନ କଲେ ଉତ୍କଳ ଦିବସ । ଦୁବାଇରେ ରହୁଥିବା ୩ ପ୍ରବାସୀ ଓଡ଼ିଆ ମହିଳା ଅଭିନବ ଉପରେ ପାଳନ କରିଛନ୍ତି ଉତ୍କଳ ଦିବସ । ସେମାନେ ହେଲେ ପାଇଲଟ କ୍ୟାପଟେନ୍ ମଧୁସ୍ମିତା ପଟ୍ଟନାୟକ, ସଫଳ କଳାକାର ମୋନା ବିଶ୍ୱରୂପା ମହାନ୍ତି ଏବଂ ସ୍କୁବା ଡାଇଭର ତିସ୍ୟା ପାଣିଗ୍ରାହୀ । ବିଶ୍ୱର ସବୁଠାରୁ ବଡ଼ ଅଟ୍ଟାଳିକ ବୁର୍ଜ ଖଲିଫା ସାମ୍ନାରେ ଉତ୍କଳ ଦିବସ ପାଳିଛନ୍ତି ଏହି ୩ ମହିଳା । ସେମାନେ ଏପ୍ରିଲ ୧ରେ ବିଶ୍ୱର ସବୁଠାରୁ ଉଚ୍ଚ ଅଟ୍ଟାଳିକା ଦୁବାଇର ବୁର୍ଜ ଖଲିଫା ନିକଟରେ ଏକାଠି ହୋଇ ବନ୍ଦେ ଉତ୍କଳ ଜନନୀର ପ୍ଲାକାର୍ଡ ଦେଖାଇ ପୃଥିବୀର କୋଣ ଅନୁକୋଣରେ ରହୁଥିବା ଓଡ଼ିଆଙ୍କୁ ଉତ୍କଳ ଦିବସର ଶୁଭେଚ୍ଛା ଜଣାଇଛନ୍ତି ।