ବିଶ୍ବର ସର୍ବଶ୍ରେଷ୍ଠ ଧାବକ ଉସେନ ବୋଲ୍ଟଙ୍କ ଆକାଉଣ୍ଟରୁ ବଡ ଲୁଟ୍

ଜାମାଇକା: ବିଶ୍ବର ସର୍ବଶ୍ରେଷ୍ଠ ଧାବକ ଉସେନ ବୋଲ୍ଟଙ୍କ ଆକାଉଣ୍ଟରୁ ବଡ ଲୁଟ୍ । ଜାମାଇକାର ଏକ ନିବେଶ ଫାର୍ମରେ ଥିବା ତାଙ୍କ ଆକାଉଣ୍ଟରୁ ୧୨ ଦଶମିକ ୭ ନିୟୁତ ଡଲାର ଗାଏବ ହୋଇଥିବା ଅଭିଯୋଗ ହୋଇଛି । ୮ ଥରର ଅଲିମ୍ପିକ ଗୋଲ୍ଡ ମେଡାଲିଷ୍ଟ ସ୍ପ୍ରିଣ୍ଟର ବୋଲଟଙ୍କ ଆକାଉଣ୍ଟରୁ ଟଙ୍କା କିଏ ନେଲା ତାହାର ଚାଲିଛି ତନାଘନା । ଟଙ୍କା ଗାଏବ ନେଇ ବୋଲ୍ଟଙ୍କ ଓକିଲଙ୍କ ପକ୍ଷରୁ ଅଭିଯୋଗ ହେବା ପରେ ପୋଲିସ ଓ ସରକାରୀ ସ୍ତରରେ ତଦନ୍ତ ଚାଲିଛି । ଓ୍ବେଲଥ ମ୍ୟାନେଜମେଣ୍ଟ ଫାର୍ମ ଷ୍ଟକସ ଆଣ୍ଡ ସିକ୍ୟୁରିଟିଜ ଲିମିଟେଡରୁ ଏହି ଟଙ୍କା ଗାଏବ ହୋଇଥିବା ସୂଚନା ମିଳିଛି ।