ନନ୍ଦିଘୋଷ ବ୍ୟୁରୋ : ଆମେରିକାରୁ ବର୍ତ୍ତମାନ ସୁଦ୍ଧା ଫେରିଲେଣି ୧ ହଜାର ୫୬୩ ଭାରତୀୟ। ଏନେଇ ସ୍ପଷ୍ଟକରିଛି ଦୈଦେଶିକ ବ୍ୟାପାର ମନ୍ତ୍ରାଳୟ। ଜାନୁଆରୀ ୨୦ରୁ ଜୁଲାଇ ୧୫ ମଧ୍ଯରେ ସେମାନେ ଭାରତ ଫେରିଛନ୍ତି। ବେଆଇନ ଭାବେ ଆମେରିକାରେ ରହିଥିବା କାରଣ ଦର୍ଶାଇ ସେମାନଙ୍କୁ ଭାରତକୁ ପଠାଇଦିଆଯାଇଛି ବୋଲି କହିଛି ବୈଦେଶିକ ମନ୍ତ୍ରାଳୟ। ବିଦେଶରେ ରହିଥିବା ନାଗରିକଙ୍କୁ ଗ୍ରହଣ କରିବା ଭାରତ ସରକାରଙ୍କ ଦାୟିତ୍ବ ବୋଲି କୁହାଯାଇଛି। ବିଭିନ୍ନ ତଥ୍ୟ ଯାଞ୍ଚ ପରେ ସେମାନଙ୍କୁ ଗ୍ରହଣ କରାଯାଇଛି। ବିଦେଶରେ ରହୁଥିବା ଭାରତୀୟ ଛାତ୍ରଛାତ୍ରୀଙ୍କ ଲାଗି କେନ୍ଦ୍ର ସରକାର ଗୁରୁତ୍ବ ଦେଉଛନ୍ତି। ୨୦୧୭ରୁ ୨୦୨୧ ଟ୍ରମ୍ପ ଶାସନ ବେଳେ ବି ଆମେରିକାରୁ ୬ ହଜାର ୧୩୫ ଭାରତୀୟଙ୍କୁ ପଠାଇ ଦିଆଯାଇଥିଲା। ବିଭିନ୍ନ ପର୍ଯ୍ୟାୟରେ ଆମେରିକାରୁ ୧୮ ହଜାର ଭାରତୀୟଙ୍କୁ ଆମେରିକା ଫେରାଇଦେବା ସମ୍ଭାବନା ରହିଛି।
