ମା’ଙ୍କ ଜୋକ୍ ଶୁଣି ୫ ବର୍ଷ ପରେ କୋମାରୁ ଉଠିଲେ ଝିଅ, ଆଶ୍ଚର୍ଯ୍ୟ ହେଲେ ଡାକ୍ତର

ବ୍ୟୁରୋ ରିପୋର୍ଟ: ମା’ ଏହି ନାଁ ଶୁଣିଲେ ହିଁ ମିଳେ ଶାନ୍ତି ଏବଂ ଖୁସି। ମାଆ ନିଜ ଛୁଆକୁ ଯେତେ ଭଲ ପାଏ ସେହିପରି ନିଃସ୍ଵାର୍ଥପର ପ୍ରେମ କେହି ବି କରନ୍ତି ନାହିଁ। ମା ହିଁ ବୁଝିଥାଏ ଛୁଆର ଯନ୍ତ୍ରଣା । ଆଉ ସେ ଯନ୍ତ୍ରଣାକୁ ଦୂର କରିବା ପାଇଁ ମାଆ ପାଲଟି ଯାଏ ଯୋଦ୍ଧା। ମା’ର ଡାକ ସିଧାସଳଖ ପିଲାଙ୍କ ହୃଦୟକୁ ପ୍ରଭାବିତ କରିଥାଏ। ମାଆ ହିଁ ତାର ପିଲାର କଥାକୁ ସଠିକ୍ ଭାବରେ ବୁଝିପାରିଥାଏ । ନିଜ ଛୁଆର ମଙ୍ଗଳ ପାଇଁ ସବୁବେଳେ ଭଗବାନଙ୍କୁ ଡାକିଥାଏ ମାଆ ।

ଏଭଳି ଏକ ମାଆ-ଝିଅର ସମ୍ପର୍କର ଅବିସ୍ମରଣୀୟ କାହାଣୀର ଏକ ଅନନ୍ୟ ଉଦାହରଣ ଦେଖିବାକୁ ମିଳିଛି ଆମେରିକାରେ। ମା’ଙ୍କ ମଜାଳିଆ କଥା ଶୁଣି ୫ ବର୍ଷ ପରେ ନିଦରୁ ଉଠିଛନ୍ତି ଝିଅ। ଗତ ୫ ବର୍ଷ ହେବ ଝିଅ କୋମାରେ ଥିଲେ ଏବଂ ଜୀବନ ଏବଂ ମୃତ୍ୟୁ ସହ ସଂଘର୍ଷ କରୁଥିଲେ। ତାଙ୍କ ମା’ର ଏକ ହାସ୍ୟାସ୍ପଦକୁ ଶୁଣି ହସିଦେଲେ ମାଆ। ଡାକ୍ତରମାନେ ଏହାକୁ ଏକ ଚମତ୍କାର ବୋଲି କହିଛନ୍ତି ।

୨୦୧୭ ମସିହାରେ ଏକ ସଡ଼କ ଦୁର୍ଘଟଣାରେ ମିଚିଗାନର ଜଣେ ମହିଳା ଜେନିଫର ଫ୍ଲେୱେଲେନ ଗୁରୁତର ଆହତ ହୋଇଥିଲେ। ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା, କିନ୍ତୁ ସେ କୋମାକୁ ଯାଇଥିଲେ। ସମସ୍ତ ଚେଷ୍ଟା ପରେ ମଧ୍ୟ ଜେନିଫରଙ୍କ ଚେତା ଫେରି ପାରିଲା ନାହିଁ। କିନ୍ତୁ ଏହି ଘଟଣାର ପାଞ୍ଚ ବର୍ଷ ପରେ, ଜେନିଫ ତାଙ୍କ ମାଙ୍କ ଜୋକ୍ ଶୁଣି ଆଖି ଖୋଲିଥିଲେ। ଏକ ସାକ୍ଷାତକାରରେ ଜେନିଫରଙ୍କ ମାଆ ପେଗି ମେନ୍ସ ଏହି ଘଟଣା ବିଷୟରେ କହିଥିଲେ ।