ହମାସର ଚେତାବନୀ, ସୋଭିଏତ୍ ଋଷ ଭଳି ଶେଷ ହୋଇଯିବ ଆମେରିକା

ନୂଆଦିଲ୍ଲୀ: ଇସ୍ରାଏଲ୍-ହମାସ ମଧ୍ୟରେ ଜାରି ରହିଥିବା ଯୁଦ୍ଧ ମଧ୍ୟରେ ଆମେରିକାକୁ ଚେତାବନୀ ଦେଇଛି ହମାସ। ସୋଭିଏତ ଋଷ ଭଳି ଦିନେ ଆମେରିକା ମଧ୍ୟ ଭୁଶୁଡିପଡିବ ବୋଲି କହିଛନ୍ତି ହମାସର ଜଣେ ନେତା। ଲେବାନନର ଏକ ୟୁଟ୍ୟୁବ ଚାନେଲରେ ଏଭଳି ମନ୍ତବ୍ୟ ଦେଇଛନ୍ତି ହମାସ ନେତା ଅଲି ବାରାକ।

ବ୍ରିଟେନ ଏବଂ ଗ୍ଲୋବାଲ ଫ୍ରିମାସନ୍ରି ଦ୍ୱାରା ଆମେରିକା ପ୍ରତିଷ୍ଠିତ ହୋଇଥିଲା ଏବଂ ଏହା ମଧ୍ୟ ସୋଭିଏତ୍ ଋଷ ଭଳି ନଷ୍ଟ ହୋଇଯିବ ବୋଲି ଏକ ସାକ୍ଷାତକାରରେ କହିଥିବା ନେଇ ଜେରୁଜେଲମ ପୋଷ୍ଟ କରିଛି।

ହମାସର ଅଧିକାରୀ କହିଛନ୍ତି, ଆମେରିକାର ସମସ୍ତ ଶତ୍ରୁ ଏକାଠି ହେଉଛନ୍ତି ଏବଂ ଦିନ ଆସିପାରେ ଯେତେବେଳେ ସେମାନେ ଯୁଦ୍ଧରେ ସାମିଲ ହେବେ ଏବଂ ସବୁଦିନ ପାଇଁ ଅତୀତ ପାଲଟିଯିବ ଆମେରିକା । ସେ ଆହୁରି ମଧ୍ୟ କହିଛନ୍ତି ଯେ ଆମେରିକା ଆଉ ଶକ୍ତିଶାଳୀ ହୋଇ ରହିବ ନାହିଁ। ଉତ୍ତର କୋରିଆର ଦକ୍ଷତାକୁ ପ୍ରଶଂସା କରି ବାରାକ କହିଛନ୍ତି, ଆମେରିକାକୁ ମାତ୍ ଦେଇପାରିବ କେବଳ ଉତ୍ତର କୋରିଆ।