ଟ୍ରମ୍ପଙ୍କୁ ୟୁଏସ୍ ସୁପ୍ରିମକୋର୍ଟଙ୍କ ଝଟକା; ପେନସେଲଭିଆ ନିର୍ବାଚନୀ ଫଳାଫଳକୁ ନେଇ ହୋଇଥିବା ଅପିଲ୍ ଖାରଜ

ଓ୍ୱାଶିଂଟନ୍: ଆମେରିକା ସୁପ୍ରିମକୋର୍ଟ ପକ୍ଷରୁ ମଙ୍ଗଳବାର ଦିନ ଡୋନାଲ୍ଡ ଟ୍ରମ୍ପଙ୍କୁ ମିଳିଛି ଏକ ଝଟକା । ପେନସେଲଭିଆ ନିର୍ବାଚନୀ ଫଳାଫଳକୁ ନେଇ ତାଙ୍କ ତରଫରୁ କରାଯାଇଥିବା ଆବେଦନକୁ ଖାରଜ କରିଛନ୍ତି କୋର୍ଟ ।

ସୂଚନାନୁଯାୟୀ, ଗତ ନଭେମ୍ବର ୩ ତାରିଖରେ ହୋଇଥିବା ଆମେରିକା ରାଷ୍ଟ୍ରପତି ନିର୍ବାଚନକୁ ମାସେ ବିତିଯାଇଥିଲେ ବି ନବନିର୍ବାଚିତ ଜୋ ବିଡେନଙ୍କୁ ନୂତନ ରାଷ୍ଟ୍ରପତି ଭାବେ ସ୍ୱୀକାର କରିପାରୁନାହାଁନ୍ତି ଟ୍ରମ୍ପ। ଯାହା ପରେ ଟ୍ରମ୍ପ ଓ ତାଙ୍କ ସମର୍ଥକ ମାନେ ପ୍ରମୁଖ ରାଜ୍ୟ ଗୁଡିକରେ ଅନେକ ମାମଲା ଦାଏର କରିଥିଲେ । ହେଲେ ଯେଉଁ ଗୁଡିକୁ ଅଦାଲତ ଖାରଜ କରିବାରେ ଲାଗିଛନ୍ତି ।

ନିର୍ବାଚନ ସରିଯାଇଥିଲା ବେଳେ ଏବେ ଏହାକୁ ନେଇ ମୋକଦ୍ଦମା କରିବା ସପକ୍ଷରେ ନାହାଁନ୍ତି କୋର୍ଟ । ଆହୁରି ମଧ୍ୟ ଟ୍ରମ୍ପ ଆମେରିକାର ନବନିର୍ବାଚିତ ରାଷ୍ଟ୍ରପତି ଭାବେ ବିଡେନଙ୍କୁ ସ୍ୱୀକାର କରୁନଥିବା ବେଳେ ଏହି ନର୍ବାଚନକୁ ଫିକ୍ସିଂ ବୋଲି କହିବା ପାଇଁ ପଛାଉ ନାହାଁନ୍ତି ।

ଏଥିସହିତ ବୋଲଡେଷ୍ଟା ଓ ଜର୍ଜିଆରେ ପୋଷ୍ଟ ରାଲି ସମୟରେ ଟ୍ରମ୍ପ ଦାବି କରିଛନ୍ତି ଯେ, ‘‘ଆମେ ନିର୍ବାଚନ ଜିତିଥିଲୁ ଆଉ ଏବେବି ଜିତିବୁ’’ ।