ଆମେରିକାର ସ୍କୁଲରେ ପୁଣି ଫୁଟିଲା ଗୁଳି, ୯ ଜଣଙ୍କ ମୃତ୍ୟୁ
ଓ୍ବାଶିଂଟନ : ଗୋଟିଏ ଦିନରେ ଆମେରିକାର ଗୁଳିବର୍ଷା । ୩ଟି ସ୍ଥାନରେ ଗୁଳିକାଣ୍ଡ ହୋଇଥିବା ବେଳେ ୯ ଜଣଙ୍କ ମୃତ୍ୟୁ ହୋଇଛି । ସ୍କୁଲରେ ଗୁଳିକାଣ୍ଡରେ ୨ଜଣ ଛାତ୍ରଙ୍କର ମୃତ୍ୟୁ ହୋଇଥିବା ବେଳେ, ଜଣେ ଶିକ୍ଷକ ଗୁରୁତର ଆହତ ହୋଇଛନ୍ତି । ଡେଲ୍ ମୋଇନେସ ସ୍କୁଲରେ ଗୁଳିମାଡ଼ କରି ଫେରାର ହୋଇଯାଉଥିବା କାର୍କୁ ଲୋକ ଅଟକାଇ ୩ଜଣ ସନ୍ଦିଗ୍ଧଙ୍କୁ ପୋଲିସ ଜିମା ଦିଆଯାଇଛି । ୨ ଛାତ୍ରଙ୍କୁ ମିଶାଇ ମୋଟ୍ ମୃତକଙ୍କ ସଂଖ୍ୟା ୯ ରହିଛି ।
ଉତ୍ତର କାର୍ଲିଫର୍ଣ୍ଣିଆ ଓ ଲୋୱାରେ ଫୁଟିଛି ଗୁଳି । ଉତ୍ତର କାର୍ଲିଫର୍ଣ୍ଣିଆର ହାଫ୍ ମୁନ୍ ବେ, ସାନ ଫ୍ରାନସିସକୋର ଦକ୍ଷିଣର ୨ଟି ସ୍ଥାନରେ ହୋଇଛି ଗୁଳିମାଡ଼ । ଗୁଳିମାଡ଼ରେ ୭ ଜଣଙ୍କର ମୃତ୍ୟୁ ହୋଇଛି । ୩ଜଣ ଗୁରୁତର ଆହତ ହୋଇଛନ୍ତି । ଏବେସୁଦ୍ଧା ମୃତକଙ୍କ ସଂଖ୍ୟା ସ୍ପଷ୍ଟ ହୋ ଇନଥିବା ବେଳେ ୯ ଜଣଙ୍କ ମୃତ୍ୟୁ ହୋଇଥିବା ଅନୁମାନ କରାଯାଉଛି ।
ମାଉଣ୍ଟେନ ମସରୁମ୍ ଫାର୍ମରେ ଗୁଳିକାଣ୍ଡରେ ଜଣେ ମୃତ୍ୟୁବରଣ କରିଥିବା ବେଳେ ୩ଜଣ ଆହତ ହୋଇଛନ୍ତି । ପୂର୍ବରୁ ଦକ୍ଷିଣ କାର୍ଲିଫର୍ଣ୍ଣିଆର ଡ୍ୟାନ୍ସିଂ ହଲରେ ୧୧ ଜଣଙ୍କୁ ଗୁଳି କରି ନିଜେ ନିଜକୁ ମାରିଦେଇଥିଲା ଜଣେ ୭୨ ବର୍ଷୀୟ ଅଭିଯୁକ୍ତ ।
