ଲାଇଭ ପ୍ରୋଗ୍ରାମରେ କରୋନା ଟିକା ନେଲେ ବାଇଡେନ

ୱାଶିଂଟନ: କରୋନା ଟିକା ନେଲେ ଆମେରିକାର ନବନିର୍ବାଚିତ ରାଷ୍ଟ୍ରପତି ଜୋ ବାଇଡେନ୍। ତାଙ୍କୁ ଫାଇଜର ଟିକାର ପ୍ରଥମ ଡୋଜ ଦିଆଯାଇଛି। ଟେଲିଭିଜନ ଲାଇଭ ପ୍ରୋଗ୍ରାମରେ ବାଇଡେନ ଟିକା ନେଇଛନ୍ତି।

ସୂଚନା ମୁତାବକ ବାଇଡେନଙ୍କୁ କିଛିଦିନ ପରେ ଟିକାର ଦ୍ୱିତୀୟ ଡୋଜ ଦିଆଯିବ। ଆମେରିକାରେ ଫାଇଜର ଟିକା ନେଇ କିଛି ବ୍ୟକ୍ତି ଅସୁସ୍ଥ ହୋଇପଡ଼ିଥିଲେ, ଫଳରେ ଲୋକମାନେ ଭୟବୀତ ହୋଇଯାଇଥିଲେ। ତେବେ ଟିକାକୁ ନେଇ ଲୋକଙ୍କ ମନରେ ରହିଥିବା ଶଙ୍କା ଦୂର କରିବାକୁ ବାଇଡେନ୍ ଲାଇଭ୍ ପ୍ରୋଗ୍ରାମରେ ଟିକା ନେଇଛନ୍ତି। ଏ ନେଇ ସେ ନିଜେ ଟୁଇଟ୍ କରି ସୂଚନା ଦେଇଛନ୍ତି। ଆସନ୍ତା ବର୍ଷ ଆମେରିକାରେ କରୋନା ଟିକା ସର୍ବସାଧାରଣଙ୍କ ଉଦ୍ଦେଶ୍ୟରେ ଉପଳବ୍ଧ ହେବ।

ମହାମାରୀ କରୋନାରେ ସାରା ବିଶ୍ୱରେ ଆମେରିକା ସବୁଠୁ ଅଧିକ ପ୍ରଭାବିତ ହୋଇଛି। କେବଳ ଆମେରିକାରେ ଏ ପର୍ଯ୍ୟନ୍ତ ପ୍ରାୟ ୩ଲକ୍ଷ ୧୫ ହଜାର ଲୋକ କରୋନାରେ ପ୍ରାଣ ହରାଇଛନ୍ତି ।

 

Leave a Reply