ଆମେରିକୀୟ ଅଶୋଧିତ ତେଲ ମୂଲ୍ୟରେ ଐତିହାସିକ ହ୍ରାସ, ବ୍ୟାରେଲ ପିଛା ୦.୦୧ ଡଲାରରେ ପହଞ୍ଚିଲା ଦାମ
ୱାଶିଂଟନ୍: ବିଶ୍ୱରେ ଜାରି ରହିଥିବା କରୋନା ସଙ୍କଟ ମଧ୍ୟରେ ଆମେରିକାର ଅଶୋଧିତ ତୈଳ ମୂଲ୍ୟରେ ଐତିହାସିକ ହ୍ରାସ ଘଟିଛି । ବର୍ତ୍ତମାନ ତେଲର କୌଣସି ଚାହିଦା ନଥିବାରୁ ତେଲର ମୂଲ୍ୟ ବ୍ୟାରେଲ ପିଛା ୦.୦୧ ଡଲାର ହ୍ରାସ ପାଇଛି । ବିଶ୍ୱରେ ୧୮୫ ରୁ ଅଧିକ ଦେଶ କରୋନାଭାଇରସ କବଳରେ ଆସି ସାରିଲାଣି । କରୋନାଭାଇରସ୍ ସଙ୍କଟ ହେତୁ ସମଗ୍ର ବିଶ୍ୱରେ ତୈଳର ଚାହିଦା ହ୍ରାସ ହେତୁ ଏହାର ମୂଲ୍ୟ କ୍ରମାଗତ ଭାବରେ ହ୍ରାସ ପାଉଛି। ଇତିହାସରେ ପ୍ରଥମ ଥର ପାଇଁ ଅଶୋଧିତ ତୈଳର ମୂଲ୍ୟ ଏତେ ମାତ୍ରାରେ ହ୍ରାସ ପାଇଛି ।
ଆନ୍ତର୍ଜାତୀୟ ବଜାରରେ ଆମେରିକାର ପଶ୍ଚିମ ଟେକ୍ସାସ ମଧ୍ୟବର୍ତ୍ତୀ ଅଶୋଧିତ ତୈଳର ମୂଲ୍ୟ ସୋମବାର ଦିନ ବ୍ୟାରେଲ ପିଛା ଦୁଇ ଡଲାରରୁ କମ୍ ହୋଇଛି। ଏହା ପୂର୍ବରୁ ବଜାର ଖୋଲିବା ପରେ ତୈଳର ମୂଲ୍ୟ ବ୍ୟାରେଲ ପିଛା ୧୦.୩୪ ଡଲାର ତଳକୁ ଖସି ଆସିଥିଲା, ଯାହା ୧୯୮୬ ପରଠାରୁ ଏହାର ସର୍ବନିମ୍ନ ସ୍ତର ଥିଲା।
