ନନ୍ଦିଘୋଷ ବ୍ୟୁରୋ: ଉତ୍ତେଜନା ଭିତରେ ଆଜି ଓମାନରେ ହେବ ଆମେରିକା ଓ ଇରାନ ମଧ୍ୟରେ ଆଣବିକ ପ୍ରସଙ୍ଗ ନେଇ କଥାବାର୍ତ୍ତା। ଇରାନକୁ ଆମେରିକା ଆଣବିକ ପ୍ରସଙ୍ଗରେ ନାଲି ଆଖି ଦେଖାଉଥିବାବେଳେ ଏହି କଥାବାର୍ତ୍ତା ଗୁରୁତ୍ବ ବହନ କରୁଛି। ଏହି କଥାବାର୍ତ୍ତା ଦୁଇ ଦେଶ ମଧ୍ୟରେ ସିଧାସଳଖ ହେବ। ଦୁଇ ଦେଶ ମଧ୍ୟରେ ଏକ ସମ୍ଭାବ୍ୟ ନୂଆ ଆଣବିକ ରାଜିନାମା ହୋଇପାରେ ବୋଲି କହିଥିଲେ ଆମେରିକା ରାଷ୍ଟ୍ରପତି ଡୋନାଲଡ ଟ୍ରମ୍ପ। ୨୦୧୫ରେ ଇରାନ ସହ ବିଶ୍ବ ସମୁଦାୟର ହୋଇଥିବା ଆଣବିକ ଚୁକ୍ତିରୁ ଓହରିଥିଲେ ଟ୍ରମ୍ପ। ଇରାନ ଯେପରି ଆଣବିକ ଅସ୍ତ୍ରଶସ୍ତ୍ର ପାଇ ନପାରିବେ ସେଥିଲାଗି ଟ୍ରମ୍ପ କହିବା ପରେ ଗତ ମାସରେ ଆମେରିକା ସହ କଥାବାର୍ତ୍ତା ଲାଗି ଆଗ୍ରହୀ ହୋଇଥିଲା ଇରାନ। ଏହାସହ ଇରାନ ଉପରେ ଆମେରିକାର ଆକ୍ରମଣକୁ ପ୍ରତିହତ କରିବା ଲାଗି କଥାବାର୍ତ୍ତା ସକାଶେ ସୂଚନା ଦେଇଥିଲା ଇରାନ।
