ଅଳ୍ପକେ ଟଳିଗଲା ବଡ଼ ବିମାନ ଦୁର୍ଘଟଣା ; ରନୱେରେ ଚାଲିଆସିଲା ଆଉ ଏକ ଛୋଟ୍ ଜେଟ୍

ନନ୍ଦିଘୋଷ ବ୍ୟୁରୋ : ଆମେରିକାରେ ଟଳିଗଲା ବଡ଼ ବିମାନ ଦୁର୍ଘଟଣା। ଶିକାଗୋ ଏୟାରପୋର୍ଟରେ ଅବତରଣବେଳେ ପୁଣି ଟେକଅଫ୍ କଲା ସାଉଥୱେଷ୍ଟ୍ ଏୟାରଲାଇନ୍ସର ଏକ ଯାତ୍ରୀବାହୀ ବିମାନ। ବିମାନ ଅବତରଣ କରିବା ସମୟରେ ରନୱେରେ ଆଉ ଏକ ବିମାନ ଚାଲିଆସିଥିଲା। ଏହା ଦେଖି ତୁରନ୍ତ ପୁଣି ଉପରକୁ ଉଠିଥିଲା ଯାତ୍ରୀବାହୀ ବିମାନ। ଯାତ୍ରୀବାହୀ ବିମାନର ଲ୍ଯାଣ୍ଡିଂ ପ୍ରକ୍ରିୟା ଆରମ୍ଭ ହୋଇ ଚକ ରନୱେକୁ ଛୁଇଁଥିବାବେଳେ ପୁଣି ବିମାନକୁ ଉପରକୁ ଉଠାଇବାକୁ ବାଧ୍ୟ ହୋଇଥିଲେ ପାଇଲଟ। ଯାତ୍ରୀବାହୀ ବିମାନର ପାଇଲଟଙ୍କ ବୁଦ୍ଧିମତାରୁ ଏକ ବଡ଼ ଦୁର୍ଘଟମାକୁ ରୋକାଯାଇପାରିଛି । ଯାତ୍ରୀବାହୀ ବିମାନ ଅବତରଣ ନକରି ପୁଣି ଟେକଅଫ୍ କରିବାକୁ ଯାତ୍ରୀ ଭୟଭୀତ ହୋଇଯାଇଥିଲେ ।

ତେବେ କିଛି ସମୟ ପରେ ପୁଣି ବିମାନ ସୁରକ୍ଷିତ ଲ୍ଯାଣ୍ଡିଂ କରିଥିଲା। ଏୟାରଲାଇନ୍ସ କର୍ତ୍ତୃପକ୍ଷ ଏ ନେଇ ସୂଚନା ଦେଇଛନ୍ତି।ପାଇଲଟ ଚାଳକ ଏସଓପି ଠିକ ଭାବେ ପାଳନ କରିଥିବା କହିଛନ୍ତି କର୍ତ୍ତୃପକ୍ଷ।ବିନା କୌଣସି କ୍ଷତିରେ ବିମାନ ସୁରକ୍ଷିତ ବିମାନବନ୍ଦରରେ ଓହ୍ଲାଇଥିଲା। ସୋସିଆଲ ମିଡିଆରେ ଭାଇରାଲ ହେଉଛି ଏ ଭିଡିଓ। ନିକଟେର ଆମେରିକାରରେ ବିମାନ ଦୁର୍ଘଟଣା ବଢିବାରେ ଲାଗିଛି। ନିକଟରେ ଉତ୍ତର ଆମେରିକାରେ ୫ଟି ବିମାନ ଦୁର୍ଘଟଣା ଘଟିଥିବା ଦେଖିବାକୁ ମିଳିଛି। ଗତ ୬ ଫେବୃଆରୀରେ ଆଲାସ୍କା କମ୍ୟୁଟର ପ୍ଲେନ କ୍ରାସ ହୋଇଖଥିଲା। ଯେଉଁଥିରେ ୧୦ ଜଣ ଲୋକଙ୍କ ମୃତ୍ୟୁ ଘଟିଥିଲା।

ସେହିପରି ୨୬ ଜାନୁଆରୀରେ ୱାସିଂଟନର ରୋନାଲ୍ଡ ରିଗନ ନ୍ୟାସନାଲ ଏୟାରପୋର୍ଟରେ ଏକ ଆର୍ମି ହେଲିକପ୍ଟର ସହ ଆମେରିକାନ ଏୟାରଲାଇନ୍ସର ଏକ ବିମାନ ସହ ଧକ୍କା ଦେଇଥିଲା। ଏଥିରେ ୬୭ ଜଣଙ୍କ ମୃତ୍ୟୁ ଘଟିଛି। ଗତ ୩୧ ଜାନୁଆରୀରେ ମେଡିକାଲ ଟ୍ରାନ୍ସପୋର୍ଟ ଜେଟ୍ ଫିଲେଡେଲଫିଆ ନିକଟରେ କ୍ରାସ ହୋଇଥିଲା। ଏଥିରେ ୭ ଜଣଙ୍କ ମୃତ୍ୟୁ ଘଟିବା ସହ ୧୯ ଜଣ ଆହତ ହୋଇଥିଲେ।୧୯ ଫେବୃଆରୀରେ ଏରିଜୋନା ବିମାନବନ୍ଦରରେ ଦୁଇ ଛୋଟ ବିମାନ ମଧ୍ୟରେ ଆକାଶରେ ଧକ୍କା ହୋଇଥିଲା। ଏଥିରେ କାନାଡାରେ ମଧ୍ୟ ଘଟିଥିଲା ବିମାନ ଦୁର୍ଘଟଣା। ଡେଲଟା ଫ୍ଲାଇଟ୍ ଟୋରୋଣ୍ଟୋର ପିଅରସନ୍ ବିମାନବନ୍ଦରରେ କ୍ରାସ ହୋଇଯାଇଥିଲା। ଯେଉଥିରେ ୨୧ ଜଣ ଆହତ ହୋଇଥିଲେ। ବିମାନ ସମ୍ପୂର୍ଣ୍ଣ ଓଲଟି ପଡିଥିଲା। ଅବତରଣ ସମୟରେ ଏଥିରେ ନିାଆଁ ଲାଗିଯାଇଥିଲା