ଫ୍ୟାନ୍ସଙ୍କୁ କ୍ଷମା ମାଗିଲେ, ଆଉ ଛୋଟ ଡ୍ରେସ ପିନ୍ଧିବେନି ଉର୍ଫି ଜାବେଦ ! 

ମୁମ୍ବାଇ: ବୋଲ୍ଡ ଲୁକ ପାଇଁ ସବୁବେଳେ ଚର୍ଚ୍ଚାରେ ରହିଥାନ୍ତି ଅଭିନେତ୍ରୀ ଉର୍ଫି ଜାବେଦ । ନିଜ ଲୁକକୁ ନେଇ ସବୁବେଳେ ଏକ୍ସପେରିମେଂଟ କରୁଥିବା ଉର୍ଫି ଏବେ ଏକ ବଡ ନିଷ୍ପତି ନେଇଛନ୍ତି। ଆଉ ଛୋଟ ଡ୍ରେସ ପିନ୍ଧିବେନି ଉର୍ଫି । ଉର୍ଫିଙ୍କ ଫ୍ୟାନ୍ସଙ୍କ ପାଇଁ ଏହ ନିଶ୍ଚିତ ଭାବେ ଏକ ବଡ ଖବର। ଅଜବ ଗଜବ ଷ୍ଟାଇଲର ଡ୍ରେସରେ ଆଉ ନଜର ଆସିବେନି ଉର୍ଫି। ନୂଆ ଲୁକରେ ଏବେ ଉର୍ଫି ନଜର ଆସିବେ । ଏକଥା ଆମେ କହୁନୁ ବରଂ ଉର୍ଫି ନିଜେ ଏହି କଥା କହିଛନ୍ତି। ଛୋଟ ଡ୍ରେସ୍ ପିନ୍ଧୁଥିବା ନେଇ ଫ୍ୟାନ୍ସଙ୍କୁ କ୍ଷମାପ୍ରାର୍ଥନା କରିଛନ୍ତି। ସେ ନିଜ ପୋଷାକକୁ ନେଇ ଅନେକଥର ଟ୍ରୋଲର ଶିକାର ହୋଇସାରିଛନ୍ତି । ସର୍ବଦା ନିଜ ଡେସିଂ ସେନ୍ସକୁ ନେଇ ଚର୍ଚ୍ଚାରେ ରହିଥାନ୍ତି ଉର୍ଫି ।

ନିଜର ବୋଲ୍ଡ ଲୁକ୍ ପାଇଁ ଉର୍ଫି ନିଜର କପଡା ସହ ଅନେକ ପରୀକ୍ଷଣ କରିଥାନ୍ତି । ଅଜବଗଜବ ଡ୍ରେସ୍ ପିନ୍ଧି ସମସ୍ତଙ୍କ ନଜରକୁ ଆସିଯାନ୍ତି । ସୋସିଆଲ ମିଡିଆରେ ଫ୍ୟାନ୍ସମାନଙ୍କ ସହ ନିଜର ଫଟୋ, ଭିଡିଓ ମଧ୍ୟ ସେୟାର କରି ଟ୍ରୋଲର ସିକାର ହୋଇଥାନ୍ତି। ତାଙ୍କ ପୋଷାକ ହେତୁ ଉର୍ଫି ବର୍ତ୍ତମାନ ପର୍ଯ୍ୟନ୍ତ ଅନେକ ଲୋକଙ୍କ ଟାର୍ଗେଟରେ ଆସି ସାରିଛନ୍ତି । ଲୋକମାନେ ତାଙ୍କ ଭିଡିଓ ଏବଂ ଫୋଟରେ ଅଶ୍ଳୀଳ ମନ୍ତବ୍ୟ ମଧ୍ୟ ଦେଇଥାନ୍ତି। କେବଳ ସାଧାରଣ ଜନତା ନୁହଁନ୍ତି ବହୁ ପ୍ରସିଦ୍ଧ କଳାକାରମାନେ ମଧ୍ୟ ଉର୍ଫିଙ୍କ ବିରୋଧରେ ଅଭିଯୋଗ ଦାୟର କରିଛନ୍ତି।

I apologise for hurting everyone’s sentiments by wearing what I wear . From now on you guys will see a changed Uorfi . Changed clothes .
Maafi

— Uorfi (@uorfi_) March 31, 2023

ଉର୍ଫି ତାଙ୍କ ଟ୍ୱିଟର ହ୍ୟାଣ୍ଡେଲରେ ଏକ ଫୋଟ ପୋଷ୍ଟ କରି ଲେଖିଛନ୍ତି, ମୁଁ ପିନ୍ଧୁଥିବା ପୋଷକା ଯୋଗୁଁ ଯଦି କାହା ଭାବନାକୁ ଆଘାତ ପହଞ୍ଚିଛି ତେବେ ସେମାନଙ୍କୁ ମୁଁ କ୍ଷମାପ୍ରାର୍ଥନା କରୁଛି । ଆଜିଠାରୁ, ଆପଣ ଏକ ସମ୍ପୂର୍ଣ୍ଣ ନୂତନ ଉର୍ଫି ଦେଖିବେ । ତାଙ୍କୁ ସଂପୂର୍ଣ୍ଣ ପରିବର୍ତ୍ତିତ ପୋଷାକରେ ଦେଖିବେ ବୋଲି ସେ କହିଛନ୍ତି ।

ଅଭିନେତ୍ରୀଙ୍କ ଏହି କ୍ଷମା ପ୍ରାର୍ଥନା ଅନେକ ପ୍ରଶଂସକଙ୍କ ମନରେ ପ୍ରଶ୍ନବାଚୀ ସୃଷ୍ଟି କରିଥିଲା। ସମସ୍ତେ ଭାବୁଥିଲେ ଯେ ଉର୍ଫି ସଂପୂର୍ଣ୍ଣ ରୂପେ ବଦଳିବାର କାରଣ କଣ ରହିଛି । ଗତକାଲି ପର୍ଯ୍ୟନ୍ତ, ଉର୍ଫି ଯିଏକି ତାଙ୍କ ପୋଷାକ ପାଇଁ ସମସ୍ତଙ୍କୁ କଡା ଜବାବ ଦେଉଥିଲେ ଆଜି ହଠାତ୍ ଏମିତି କଣ ହେଲା ଯେ ସେ କ୍ଷମା ମାଗୁଛନ୍ତି ? ଏହାପରେ ଉର୍ଫିଙ୍କ ନୂଆ ଟ୍ୱିଟ ସବୁ କିଛି ସ୍ପଷ୍ଟ କରିଦେଇଥିଲା। ସେ ଟ୍ୱିଟ୍ ରେ ଏପ୍ରିଲ ଫୁଲ ଲେଖିଛନ୍ତି । ଲୋକମାନେ ତାଙ୍କୁ ଯାହା କୁହନ୍ତୁ ନା କାହିଁକି, ସେ ନିଜକୁ କେବେ ପରିବର୍ତ୍ତନ କରିବେ ନାହିଁ ବୋଲି କହିଛନ୍ତି।