କବି ମୁନ୍ଓ୍ୱର ରାଣାଙ୍କ ବିରୋଧରେ ଏତଲା, ଫ୍ରାନ୍ସ ହିଂସାକାଣ୍ଡକୁ ନେଇ ଦେଇଥିଲେ ବିବାଦୀୟ ବୟାନ୍…
1 min read
ଲକ୍ଷ୍ନୌ: ଲକ୍ଷ୍ନୌର ହଜରତଗଞ୍ଜ ପୋଲିସ ଷ୍ଟେସନରେ କବି ମୁନୱର ରାଣାଙ୍କ ବିରୋଧରେ ଏତଲା ଦାୟର କରାଯାଇଛି । ଫ୍ରାନ୍ସରେ ହୋଇଥିବା ହତ୍ୟା ଘଟଣାକୁ ନେଇ ମୁନୱର ଏକ ବିବାଦୀୟ ବୟାନ ଦେଇଥିଲେ । ସେହି ବୟାନ୍ ଯୋଗୁଁ ଏବେ ତାଙ୍କ ନାଁରେ ଥାନାରେ ମାମଲା ରୁଜୁ କରାଯାଇଛି । ସେ ନିଜ ବୟାନରେ ଫ୍ରାନ୍ସରେ ହୋଇଥିବା ହତ୍ୟା ଘଟଣାକୁ ଯଥାର୍ଥ ବୋଲି ଦର୍ଶାଇଥିଲେ । ଏତଲାରେ ଏହି ବିବୃତ୍ତିକୁ ସମ୍ପୂର୍ଣ୍ଣ ଅସାମାଜିକ ବୋଲି ଦର୍ଶାଯାଇଛି । ଏଭଳି ବିବୃତ୍ତି ଦ୍ୱାରା ସମାଜରେ ଅସହଯୋଗ ବୃଦ୍ଧି ହେବାର ସମ୍ଭାବନା ରହିଛି । ଏମିତିକି ଏଭଳି ବିବୃତ୍ତି ସମାଜରେ ଶାନ୍ତି ଭଙ୍ଗ କରିବା ପାଇଁ ଯଥେଷ୍ଟ ବୋଲି କୁହାଯାଇଛି । ତେଣୁ ତାଙ୍କ ବିରୋଧରେ ମାମଲା ଦାୟର କରାଯାଇଛି ।
ମୁନଓ୍ୱର ରାଣାଙ୍କ ବିରୋଧରେ ପୋଲିସ ଆଇପିସିର ଧାରା ୧୫୩a-୨୯୫a-୨୯୮-୫୦୫ ଅନୁଯାୟୀ ମାମଲା ରୁଜୁ କରିଛି । ଡିସିପି ସେଣ୍ଟ୍ରାଲ ସୋମେନ ବର୍ମାଙ୍କ ଅନୁଯାୟୀ, ମୁନାୱାର ରାଣା ଏକ ଘରୋଇ ଚ୍ୟାନେଲରେ ବିବୃତ୍ତି ଦେଇଛନ୍ତି, ଯେଉଁଥିରେ କାର୍ଟୁନ ବିବାଦ ପରେ ଫ୍ରାନ୍ସରେ ହୋଇଥିବା ହତ୍ୟାକାଣ୍ଡକୁ ଯଥାର୍ଥ ବୋଲି ଦର୍ଶାଇଛନ୍ତି । ଏଭଳି ବୟାନ ସାମଜ ପାଇଁ ହାନୀକାରକ ।
ତେବେ ମୁନଓ୍ୱର ରାଣା ଏହି ଘଟଣା ପରେ କହିଛନ୍ତି, ‘ମୁ ମୋ ବୟାନରେ ଅଟଳ ରହିଛି ଏବଂ ରହିବି । ଯାହା କହିଛି ଠିକ୍ କହିଛନ୍ତି । ଫ୍ରାନ୍ସ ହତ୍ୟାକାଣ୍ଡ ବିଷୟରେ ସତ କହିଛି । ଏଥିପାଇଁ ଯେଉଁ ଦଣ୍ଡ ମିଳିବ ମୁଁ ସ୍ୱୀକାର କରୁଛି । ମୁଁ ସେହିମାନଙ୍କ ଭଳି ନୁହେଁ ଯେଉଁମାନେ ମାମଲା ଭୟରେ ପାଇଁ ସତ କହିବାକୁ ବି ଡରନ୍ତି । ଯଦି ମୋ ବୟାନ ଯୋଗୁଁ କିଛି ଅପରାଧ ହୋଇଛି ତେବେ ମତେ ରାସ୍ତା ମଝିରେ ଗୁଳି କରିଦିଆଯାଉ ।’
ସେ ଆହୁରି କହିଛନ୍ତି ୬୯ ବର୍ଷୀୟ କବିକୁ ଜିହାଦି ବୋଲି ଘୋଷଣା କରିଦେଲେ ମଧ୍ୟ ସେ ସତ କହିବା ବନ୍ଦ କରିବେ ନାହିଁ । ଖାଲି ସେତିକି ନୁହେଁ ନିଜ ବୟାନ ପାଇଁ ସେ କ୍ଷମା ପ୍ରାର୍ଥନା ବି କରିବେ ନାହିଁ । ସୂଚନାଯୋଗ୍ୟ, କବି ମୁନୱର ରାଣା ଫ୍ରାନ୍ସରେ ନିର୍ଦ୍ଦୋଷମାନଙ୍କୁ ହତ୍ୟା କରିଥିବା ଅଭିଯୁକ୍ତ ସପକ୍ଷରେ ନିଜ ଉକ୍ତି ରଖିଥିଲେ । ସେ କହିଥିଲେ ଯଦି ନିଜ ଧର୍ମକୁ ଆମେ ଯଦି ମା’ ବୋଲିୁ କହିଥାଉ ତେବେ ମା’କୁ ଯେମିତି କେହି ସମାଲୋଚନା କିମ୍ବା ପରିହାସ କଲେ ବାଧେ, ସେମିତି ଧର୍ମକୁ କିଏ ସମାଲୋଚନା କିମ୍ବା ପରିହାସ କଲେ ବାଧେ । ଆଉ ଏଥିରେ ଜଣେ ପୁଅ ଉଗ୍ର ହେବା ସ୍ୱାଭାବିକ୍ ।
ତେବେ ପରେ ଏକ ଜାତୀୟ ଗଣମାଧ୍ୟମକୁ ସାକ୍ଷାତକାର ଦେଇ ମୁନଓ୍ୱର କହିଛନ୍ତି ଯେ, ସେ କେବେ ବି ଫ୍ରାନ୍ସରେ ହୋଇଥିବା ହିଂସାକୁ ଯଥାର୍ଥ ଦର୍ଶାଇ ନାହାନ୍ତି । ସେ କେବଳ କହିଛନ୍ତି ଜାତି- ଧର୍ମ ଏକ ବିପଜ୍ଜନକ ଖେଳ, ମଣିଷ ଏଥିରୁ ଦୂରେଇ ରହିବା ଉଚିତ୍ ।
