ନୀତିଶଙ୍କୁ ଉପେନ୍ଦ୍ର କୁଶବାହାଙ୍କ ବାଏ ବାଏ, ଗଠନ କଲେ ନୂଆ ଦଳ

ପାଟନା: ନୀତିଶ କୁମାରଙ୍କ ସହ ଦୀର୍ଘ ଦିନର ମତାନ୍ତର ପରେ ଉପେନ୍ଦ୍ର କୁଶବାହା ଶେଷରେ ଜେଡିୟୁ ଛାଡିଛନ୍ତି । ସେ ଜେଡିୟୁର ଏମଏଲସି ପଦରୁ ମଧ୍ୟ ଇସ୍ତଫା ଦେଇଛନ୍ତି । ସୋମବାର ପାଟନାରେ ସେ ଏନେଇ ଘୋଷଣା କରିଛନ୍ତି । ସେ ନିଜର ନୂଆ ଦଳ ‘ରାଷ୍ଟ୍ରୀୟ ଲୋକ ଜନତା ଦଳ’ ବନାଇବା ନେଇ ମଧ୍ୟ ଘୋଷଣା କରିଛନ୍ତି । ଉପେନ୍ଦ୍ର କୁଶବାହା କହିଛନ୍ତି ଯେ, ଆଜିଠୁ ମୁଁ ନୂଆ ରାଜନୀତି ଇନିଂସର ଆରମ୍ଭ କରୁଛି । ଉପେନ୍ଦ୍ର କୁଶବାହା ଏହି ଅବସରରେ ନୀତିଶ କୁମାରଙ୍କ ଉପରେ ଶାଣିତ ଆକ୍ରମଣ କରି କହିଛନ୍ତି ଯେ, ସେ ତ ପଡୋଶୀଙ୍କ ଘରେ ନିଜର ଉତ୍ତରାଧିକାରୀ ଖୋଜୁଛନ୍ତି ।

କୁଶବାହା ଆରଜେଡି ସହ ମେଣ୍ଟ କରାଯିବା ଉପରେ ମଧ୍ୟ ଆପତ୍ତି ଜଣାଇଛନ୍ତି ଏବଂ କହିଛନ୍ତି ନୀତିଶ କୁମାରଙ୍କ ରାଜନୀତିର ଅନ୍ତ ଖରାପ ରହିଛି । ଉପେନ୍ଦ୍ର କୁଶବାହା କହିଛନ୍ତି ଯେ ନୀତିଶ କୁମାର ବହୁତ ଭଲ କାମ କରିଛନ୍ତି, କିନ୍ତୁ କୁହାଯାଇଥାଏ ଶେଷ ଭଲ ତ ସବୁ ଭଲ । ନୀତିଶ କୁମାର ଏହା କରିପାରିନାହାନ୍ତି । ଅନ୍ତ ବହୁତ ଖରାପ ହୋଇଛି । ଏବେ କଥା ବଦଳି ଯାଇଛି ଶେଷ ଖରାପ ତ ସବୁ ଖରାପ । ସେ ଯେଉଁ ପଥରେ ଏବେ ଯାଉଛନ୍ତି ତାହା ଅତ୍ୟନ୍ତ ଖରାପ । ନା କେବଳ ନୀତିଶଙ୍କ ପାଇଁ ବରଂ ଜନତା ଏବଂ ଦଳ ପାଇଁ ମଧ୍ୟ । ଲାଲୁ ଯାଦବ ଏବଂ ନୀତିଶ କୁମାର ଭଳି ନେତାଙ୍କୁ ଜନତା କ୍ଷମତା ଦେଇଥିଲେ ।

ଲାଲୁ ଯାଦବ ପ୍ରାରମ୍ଭିକ ଦିନକୁ ଛାଡିଦେଲେ ଜନତାଙ୍କ କ୍ଷମତାର ବ୍ୟବହାର ପରିବାରର ହିତରେ କରିବା ଆରମ୍ଭ କରିଦେଇଥିଲେ । ଏହାପରେ ଭରସା ନୀତିଶ କୁମାର ଥିଲେ, ଯିଏକି ୧୯୯୫ରେ ସମତା ଦଳ ଗଠନ ପରେ ନେତୃତ୍ୱ ସମ୍ଭାଳିଥିଲେ । ସେ କହିଛନ୍ତି ଯେ, ବିହାରର ଜନତା ସଙ୍କଟରେ ମଧ୍ୟ ନୀତିଶ କୁମାରଙ୍କୁ ଶକ୍ତି ଦେଇଥିଲେ । ୨୦୦୫ ପରେ କର୍ପୁରୀ ଠାକୁରଙ୍କ ବିରାସତ ତାଙ୍କ ପାଖକୁ ଆସିଯାଇଥିଲା । ସେ ନିଜ ଶାସନରେ ଏହାକୁ ବଢ଼ାଇବାର କାମ ବହୁତ ଭଲରେ କରିଥିଲେ । ସେ ବିହାରକୁ ଏକ ସୁଦୃଢ଼ ରାଜ୍ୟ କରିବା ଦିଗରେ ଅନେକ ଭଲ ପଦକ୍ଷେପ ନେଇଥିଲେ । ୨୦୨୦ ବିଧାନସଭା ନିର୍ବାଚନ ପରେ ଆମେ ତାଙ୍କ ସାଥିରେ ଆସିଥିଲୁ ।

ସେ ସମୟରେ ବିହାର ଜନତାଙ୍କ ଆଦେଶ ନୀତିଶ କୁମାର ଏବଂ ମୋତେ ମିଳିଥିଲା । ମୁଁ ସବୁକିଛି ଛାଡ଼ି ତାଙ୍କ ସାଥ ଦେଇଥିଲି, ହେଲେ ସେ ଜନତାଙ୍କ ହିତରେ କିଛି କରିନଥିଲେ । ସେ ଭୁଲ ବାଟରେ ଚାଲିଥିଲେ । ମେଣ୍ଟ ନେଇ ମଧ୍ୟ ଆମେ ସହମତି ଜଣାଇଥିଲୁ । ଆରଜେଡିର ନେତା ଏକ ଡିଲ କଥା କହିଥିଲେ । ନିଜେ ନୀତିଶ କୁମାର କହିବାକୁ ଲାଗିଥିଲେ ଯେ ବିହାର ପାଇଁ ଆଗାମୀ ଦାୟିତ୍ୱ ତେଜସ୍ୱୀ ଯାଦବଙ୍କୁ ଦେଉଛି । ଏବେ ତ ଆରଜେଡିର ଲୋକମାନେ କହୁଛନ୍ତି ଯେ ତେଜସ୍ୱୀ କେବେ ମୁଖ୍ୟମନ୍ତ୍ରୀ ହେବେ । ନୀତିଶ ପଡିଶା ଘରେ ନିଜର ଉତ୍ତରାଧିକାରୀ ଖୋଜୁଛନ୍ତି ବୋଲି କହିଛନ୍ତି ଉପେନ୍ଦ୍ର ।