ବାୟୋପିକ୍ ଫିଲ୍ମ ମୁହାଁ ବଲିଉଡ୍

ସପ୍ଟ ରୋମାଣ୍ଟିକ ଓ ଡ୍ରାମା ବେସ ଫିଲ୍ମରେ ଟିକେ ବ୍ରେକ ଲଗାଇ ବଲିଉଡ ଏବେ ରିୟଲିଷ୍ଟିକ ଫିଲ୍ମ ମୁହାଁ  । ବିଗତ କିଛି ଦିନ ହେବ ଅନେକ ବିଶେଷ ବ୍ୟକ୍ତିତ୍ୱଙ୍କୁ ନେଇ ବଲିଉଡରେ ବାୟୋପିକ୍ ପ୍ରସ୍ତୁତ ହେଉଛି ଯାହାକି ଦର୍ଶକଙ୍କୁ ବେଶ ପସନ୍ଦ ଆସୁଛି । ଏହାର ବଡ ପ୍ରମାଣ ହେଉଛି ଏମ୍.ଏସ.ଧୋନି, ମାରିକମ୍, ସଞ୍ଜୁ , ଦଙ୍ଗଲ ଓ ନୀରଜା ଭଳି ଫିଲ୍ମର ବକ୍ସ ଅଫିସ କଲେକ୍ସନ । ତେବେ ଏହି ଧାରାରେ ଆଗକୁ ଅନେକ ବାୟୋପିକ ଫିଲ୍ମ ଯୋଡି ହେବାକୁ ଯାଉଛି । କିଛି ଫିଲ୍ମର ସୁଟିଂ କାମ ଆରମ୍ଭ ହୋଇସାରିଥିବାବେଳେ ଆଉକିଛି ପାଇପ ଲାଇନରେ ଅଛି । ଆସନ୍ତୁ ସେଭଳି କିଛି ଅପକମିଂ ବାୟୋପିକ୍ ଫିଲ୍ମ ଉପରେ ନଜର ପକାଇବା ।

(୧) ’83

୧୯୮୩ ମସିହାରେ ଭାରତର ଐତିହାସିକ କ୍ରିକେଟ ୱାର୍ଲଡ କପ ବିଜୟ ଉପରେ ଫିଲ୍ମଟି ଆଧାରିତ । ଏହି ଫିଲ୍ମରେ ରଣବୀଲ ସିଂଙ୍କୁ କପିଲ ଦେବ ଭୂମିକାରେ ଦେଖିବାକୁ ପାଇବେ ଦର୍ଶକ ଏବଂ ଦୀପିକା ନଜର ଆସିବେ କପିଲ ଦେବଙ୍କ ରିୟଲ ଲାଇଫ ୱାଇଫ ଭୂମିକାରେ । କବୀର ଖାନ ଫିଲ୍ମର ନିର୍ଦ୍ଦେଶନା ଦେଉଥିବାବେଳେ ଆସନ୍ତା ବର୍ଷ ଏପ୍ରିଲ ୧୦ ତାରିଖରେ ଫିଲ୍ମ ରିଲିଜ ହେବ ।

(୨)’ଛପାକ୍’

ଏସିଡ ପୀଡିତାଙ୍କ ଜୀବନ ଉପରେ ଆଧାରିତ ଫିଲ୍ମ ଛପାକ୍ । ୧୫ ବର୍ଷ ବୟସରେ ଏସିଡ୍ ଆକ୍ରମଣର ଶୀକାର ହୋଇଥିବା ମହିଳା ଲକ୍ଷ୍ମୀ ଅଗ୍ରୱାଲଙ୍କ ଜୀବନ ସଂଘର୍ଷ ଦେଖିବାକୁ ମିଳିବ ଏହି ଫିଲ୍ମରେ । ଦୀପିକାଙ୍କୁ ଲକ୍ଷ୍ମୀ ଅଗ୍ରୱାଲଙ୍କ ଭୂମିକାରେ ଦେଖିବେ ଦର୍ଶକ । ମିର୍ଜାପୁର ଫେମ୍ ବିକ୍ରାନ୍ତ ମାସେ ବି ଏହି ଫିଲ୍ମରେ ନଜର ଆସିବେ ।

(୩)’ଗୁଞ୍ଜନ ସକ୍ସେନା’- ଦ କାରଗିଲ ଗର୍ଲ

୧୯୯୯ ମସିହା କାରଗିଲ ଯୁଦ୍ଧ ସମୟର ଅନ୍ୟତମ ହିରୋ ଗୁଞ୍ଜନ ସକ୍ସସେନା । ଭାରତର ପ୍ରଥମ ମହିଳା ପାଇଲଟ । କାରଗିଲ ଯୁଦ୍ଧ ସମୟରେ ସୈନିକଙ୍କୁ ଉଦ୍ଧାର କରିବାରେ ଅଗ୍ରଣୀ ଭୂମିକା ନେଇଥିବା ଗୁଞ୍ଜନଙ୍କ କାହାଣୀକୁ ପରଦା ଉପରେ ଆଙ୍କିବାକୁ ଯାଉଛନ୍ତି ଧଡକ ଗର୍ଲ ଜାହ୍ନବୀ କପୁର । ପଙ୍କଜ ତ୍ରୀପାଠୀ ଓ ନୀନା ଗୁପ୍ତ ଭଳି ଭେଟାରାନ ବି ଫିଲ୍ମରେ ନଜର ଆସିବେ

(୪)’ଶାମ୍ ମାନେକଶା’

ଫିଲ୍ଡ ମାର୍ଶଲ ଶାମ ମାନେକଶା ବା ଶାମ ବାହାଦୁରଙ୍କୁ ନେଇ ପ୍ରସ୍ତୁତ ହେଉଥିବା ଫିଲ୍ମରେ ନଜର ଆସିବେ ବଲିଉଡର ମୋଷ୍ଟ ଟ୍ୟାଲେଣ୍ଟେଡ ବୟ ଭିକି କୌଶଲ । ପୂର୍ବରୁ ଆର୍ମି ଅଫିସର ଭୂମିକାରେ ନଜର ଆସିଥବା ଭିକି କୌଶଲ ପୁଣି ଥରେ ଆର୍ମି ଅଫିସର ଭୂମିକାରେ ନଜର ଆସିବେ । ଫିଲ୍ମର ସୁଟ୍ ୨୦୨୧ ରେ ଆରମ୍ଭ ହେବ ।

(୫)’ପି.ଭି ସିନ୍ଧୁ’

୨୪ ବର୍ଷୀୟ ବ୍ୟାଡମିଣ୍ଟନ ପ୍ଲେୟର ପି.ଭି ସିନ୍ଧୁଙ୍କ ଜୀବନୀକୁ ନେଇ ପ୍ରସ୍ତୁତ ହେଉଥିବା ଫିଲ୍ମରେ ନଜର ଆସିବେ ଦୀପିକା ପାଦୁକୋନ । ତେବେ ଦୀପିକା ମଧ୍ୟ ଏକ ଭଲ ବ୍ୟାଡମିଣ୍ଟନ ପ୍ଲେୟର ହୋଇଥିବାରୁ ଏହି ଚରିତ୍ରକୁ ସେ ବେଶ ଭଲ ଭାବେ ନିଭାଇ ପାରିବେ ବୋଲି ପି.ଭି ସିନ୍ଧୁ ମତ ରଖିଛନ୍ତି । ଶୀଘ୍ର ଏହାର ସୁଟିଂ କାର୍ଯ୍ୟ ଆରମ୍ଭ ହେବାକୁ ଯାଉଛି  । ')}