ଭାଇଙ୍କୁ କିଡନୀ ଦେବାରୁ ସ୍ବାମୀ ଦେଲେ ଛାଡପତ୍ର

ଲକ୍ଷ୍ନୌ: ଭାଇକୁ ଭଲ କରିବାକୁ ଯାଇ ମହିଳାଙ୍କ ଉଜୁଡିଲା ସଂସାର । ଭାଇକୁ କିଡନୀ ଦେବାରୁ ହ୍ବାଟ୍ସଅପରେ ତଲାକ ଦେଇଛନ୍ତି ସ୍ବାମୀ । ଏମିତି ଏକ ଘଟଣା ଉତ୍ତର ପ୍ରଦେଶରେ ଦେଖିବାକୁ ମିଳିଛି । ଗୋଣ୍ଡା ଅଞ୍ଚଳର ଜଣେ ମହିଳା ତରନ୍ନୁମ ତାଙ୍କ ଭାଇଙ୍କ ଜୀବନ ବଞ୍ଚାଇବା ପାଇଁ କିଡନୀ ଦାନ କରିବା ପରେ ହ୍ବାଟ୍ସଅପ ଜରିଆରେ ତାଙ୍କ ସ୍ବାମୀ ତିନି ତଲାକ ଦେଇଛନ୍ତି ।

ତରନ୍ନୁମଙ୍କ ସ୍ବାମୀ ମହମ୍ମଦ ରସିଦ ସାଉଦି ଆରବରେ କାମ କରନ୍ତି ।  ତରନ୍ନୁମ କିଡନୀ ଦାନ କରିବା ଖବର ପାଇଁ ରାଗିଯାଇ ତାଙ୍କୁ ୪୦ ଲକ୍ଷ ଟଙ୍କା ମାଗିଥିଲେ । ସେ ମନା କରିବାରୁ ତାଙ୍କ ଅଗଷ୍ଟ ୩୦ ତାରିଖ ଦିନ ହ୍ବାଟ୍ସଅପ ଜରିଆରେ ତାଙ୍କ ସ୍ବାମୀ ତିନି ତଲାକର ମେସେଜ ଦେଇଥିଲେ ।  ତରନ୍ନୁମଙ୍କ ଭାଇ ମୋହଦ୍ ଶାକିର କିଡନୀ ରୋଗରେ ପୀଡିତ ହୋଇ ମୁମ୍ବାଇରେ ଚିକିତ୍ସିତ ହେଉଥିଲେ । ତାଙ୍କ ଜୀବନ ବଞ୍ଚାଇବା ପାଇଁ ତରନ୍ନୁମ ପାଞ୍ଚ ମାସ ପୂର୍ବେ ଗୋଟିଏ କିଡନୀ ଦାନ କରିବା ପରେ ତାଙ୍କ ଶାଶୁ ଘରକୁ ଚାଲିଯାଇଥିଲେ । ଘଟଣା ସମ୍ପର୍କରେ ତାଙ୍କ ସ୍ବାମୀ ରସିଦ ଜାଣିବା ପରେ ତାଙ୍କୁ ହ୍ବାଟ୍ସଅପ ମାଧ୍ୟମରେ ତରନ୍ନୁମଙ୍କୁ ତିନି ତଲାକ ମେସେଜ ଦେଇଥିଲେ । ଆଉ ବାପା ଘରେ ରହିବା ପାଇଁ କହିଥିଲେ ।

ଉଭୟଙ୍କ ବିବାହ ୨୦ ବର୍ଷ ତଳେ ହୋଇଥିବା ବେଳେ ରସିଦ ଚାକିରି କରିବା ସାଉଦି ଆରବ ଚାଲି ଯାଇଥିଲେ । ତରନ୍ନୁମ  କହିବାନୁଯାୟୀ, ଉଭୟଙ୍କ ସନ୍ତାନ ନଥିବାରୁ ରସିଦ ଦ୍ବିତୀୟ ବିବାହ କରିଥିଲେ । ପୋଲିସ ରସିଦଙ୍କ ବିରୋଧରେ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।