ମୋବାଇଲ ଫୋନରେ ବିସ୍ଫୋରଣ,୪ ପିଲା ଜୀବନ୍ତ ଜଳିଗଲେ

ନନ୍ଦିଘୋଷ ବ୍ୟୁରୋ: ମୋବାଇଲ ଫୋନ୍ ବିସ୍ଫୋରଣରୁ ବଡ଼ ଅଘଟଣ । ବିସ୍ଫୋରଣରେ ୪ ଜଣ ପିଲା ଜିଅନ୍ତା ଜଳିଗଲେ । ଉତ୍ତରପ୍ରଦେଶର ମେରଠରୁ ଆସିଛି ଏଭଳି ଖବର । ଘରେ ମୋବାଇଲ ଫୋନ ବିସ୍ଫୋରଣ ହୋଇଥିବାବେଳେ ଘଟଣାସ୍ଥଳରେ ହିଁ ୪ ଜଣ ପିଲାଙ୍କ ମୃତ୍ୟୁ ହୋଇଥିବାବେଳେ ସେମାନଙ୍କୁ ଉଦ୍ଧାର କରିବା ପାଇଁ ଯାଇଥିବା ବାପା ମା ମଧ୍ୟ ଗୁରୁତରଭାବେ ଆହତ ହୋଇଛନ୍ତି । ସେମାନଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରାଯାଇଥିବାବେଳେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।

ମେରଠ ପଲ୍ଲବପୁରମ ଥାନା ଜନତା କଲୋନୀ ଅଞ୍ଚଳରେ ଘଟିଛି ଏଭଳି ଅଘଟଣ । ଶନିବାର ବିଳମ୍ବିତ ରାତିରେ ଏହି ବିସ୍ଫୋରଣ ଘଟିଛି । ମୋବାଇଲ ଚାର୍ଜରେ ବସିଥିବାବେଳେ ସର୍ଟସର୍କିଟି କାରଣରୁ ବିସ୍ଫୋରଣ ଘଟିଥିଲା । କେହି କିଛି ଭାବିବା ପୂର୍ବରୁ ହଠାତ ଘରେ ନିଆଁ ଲାଗି ଯାଇଥିଲା । ମା ବାପା ପିଲାଙ୍କୁ ଉଦ୍ଧାର କରିବା ପାଇଁ ଚେଷ୍ଟା କରିଥିଲେ । ମାତ୍ର କିଛି କରିବା ପୂର୍ବରୁ ୪ ପିଲାଙ୍କ ମୃତ୍ୟୁ ହୋଇଯାଇଥିଲା । ତେବେ ବାପା ମା ଗୁରୁତର ଆହତ ହୋଇଥିବାବେଳେ ସେମାନେ ଡାକ୍ତରଖାନାରେ ଚିକିତ୍ସିତ ହେଉଛନ୍ତି ।