ଛୁଟି ପରେ ଛୁଟି ନେଉଥିଲେ IAS, ସିଧା ନିଲମ୍ବନ ହେଲେ
ଉତ୍ତରପ୍ରଦେଶ : ୟୁପିର ଜଣେ ଆଇଏଏସ ଅଧିକାରୀ ନିଲମ୍ବିତ ହୋଇଛନ୍ତି । ଅଫିସର ଜଣଙ୍କ ହେଉଛନ୍ତି ଅଭିଷେକ ସିଂହ । ତାଙ୍କୁ ଉପରିସ୍ଥ ଅଧିକାରୀ ନିଲମ୍ବିତ କରିଛନ୍ତି । ଉପରିସ୍ଥ ଅଧିକାରୀଙ୍କୁ ନ ଜଣାଇ ଲମ୍ବା ଛୁଟିରେ ରହିଥିବାରୁ ତାଙ୍କ ଉପରେ କଡ଼ା କାର୍ଯ୍ୟାନୁଷ୍ଠାନ ନିଆଯାଇଛି ।
ପୂର୍ବରୁ ଅଭିଷେକ ଗୁଜୁରାଟ ନିର୍ବାଚନ ସମୟରେ ସୋସିଆଲ ମିଡିଆରେ ଫଟୋ ଅପଲୋଡ କରିବାକୁ ନେଇ ତାଙ୍କୁ ପଦରୁ ହଟାଇ ଦିଆଯାଇଥିଲା ।
୨୦୧୧ ବ୍ୟାଚର ଆଇଏଏସ ଥିଲେ ଅଭିଷେକ । ୨୦୧୫ରେ ଦିଲ୍ଲୀ ସରକାର ତାଙ୍କୁ ପ୍ରତିନିଯୁକ୍ତି ଦେଇଥିଲେ । ୨୦୧୮ରେ ଏହି ପ୍ରତିନିଯୁକ୍ତିକୁ ୨ ବର୍ଷ ବଢ଼ାଇ ଦେଇଥିଲେ । ଏହା ପରେ ସେ ୨ ବର୍ଷ ମେଡିକାଲ ଲିଭରେ ପଳାଇଥିଲେ । ଏଥିପାଇଁ ତାଙ୍କୁ ୨୦୨୦ ୧୯ ମାର୍ଚ୍ଚରେ ତାଙ୍କ ମୂଳ କ୍ୟାଡରକୁ ପଠାଇଦିଆଯାଇଥିଲା । ଏହା ପରେ ସେ ଲମ୍ବା ସମୟ ପରେ ମଧ୍ୟ ୟୁପିରେ ଚାକିରିରେ ଯୋଗ ଦେଇନଥିଲେ । ତାଙ୍କର ଏପରି କାର୍ଯ୍ୟକଳାପକୁ ନଜରରେ ରଖି ଉପରିସ୍ଥ ଅଧିକାରୀ କଡ଼ା କାର୍ଯ୍ୟାନୁଷ୍ଠାନ ନେଇଛନ୍ତି ।
