ୟୁପି ନିର୍ବାଚନ ପାଇଁ ୟୁଥ ମେନିଫେଷ୍ଟୋ ରିଲିଜ୍ କଲା କଂଗ୍ରେସ, ସରକାର ଆସିଲେ ଦେବ ୨୦ ଲକ୍ଷ ଚାକିରି 

ଲକ୍ଷ୍ନୌ: ଉତ୍ତରପ୍ରଦେଶ ବିଧାନସଭା ନିର୍ବାଚନ ଲାଗି କଂଗ୍ରେସ ରିଲିଜ କରିଛି ୟୁଥ ମେନିଫେଷ୍ଟୋ । କଂଗ୍ରେସ ନେତ୍ରୀ ପ୍ରିୟଙ୍କା ଗାନ୍ଧି ଭଦ୍ରା ଓ କଂଗ୍ରେସ ନେତା ରାହୁଲ ଗାନ୍ଧି ଏହି ମେନିଫେଷ୍ଟୋ ରିଲିଜ କରିଛନ୍ତି । ଉତ୍ତରପ୍ରଦେଶ ନିର୍ବାଚନ ଲାଗି କଂଗ୍ରେସ ବିଶେଷ କରି ଯୁବକ ଓ ମହିଳାମାନଙ୍କୁ ଗୁରୁତ୍ୱ ଦେଇଛି କଂଗ୍ରେସ । ସେମାନେ କହିଛନ୍ତି ଦେଶରେ ବର୍ତ୍ତମାନ ନୂଆ ଚିନ୍ତାଧାରାର ଆବଶ୍ୟକତା ରହିଛି । ରାଜ୍ୟରେ ରୋଜଗାର ବୃଦ୍ଧି ଉପରେ କଂଗ୍ରେସ ଗୁରୁତ୍ୱ ଦେଇଛି । ରାଜ୍ୟରେ ବିଜ୍ଞାପନଭିତ୍ତିକ ସରକାର ଚାଲିଆସିଛି ଏବଂ ମହିଳା ଓ ଯୁବକଯୁବତୀଙ୍କ ସ୍ୱାର୍ଥ ଲାଗି ଗୁରୁତ୍ୱ ଦିଆଯାଉନାହିଁ ବୋଲି କହିଛନ୍ତି ପ୍ରିୟଙ୍କା । ରାଜ୍ୟରେ ଆର୍ଥିକ ଅଭାବ ନାହିଁ ବରଂ ରାଜ୍ୟ ସରକାରଙ୍କ ମନୋବୃତ୍ତିର ଅଭାବ ବୋଲି ପ୍ରିୟଙ୍କା ଅଭିଯୋଗ କରିଛନ୍ତି । ରାଜ୍ୟରେ ବେକାରୀ ଦୂରୀକରଣ, ଅଧିକ ଯୁବକଙ୍କୁ ଚାକିରି ଉପରେ ଏଥିରେ ଗୁରୁତ୍ବ ଦିଆଯାଇଛି । ସେମାନେ କହିଛନ୍ତି- ରାଜ୍ୟରେ ବର୍ତ୍ତମାନ କେତେକ ଶିଳ୍ପପତିଙ୍କ ସ୍ୱାର୍ଥକୁ ଗୁରୁତ୍ୱ ଦିଆଯାଉଛି ।

जो चीज़ें दिल से, ज़िम्मेदारी और ईमानदारी से की जाती हैं उनका नतीजा अच्छा ही होता है।

यूपी की जनता को और कांग्रेस के हर कार्यकर्ता को मेरी शुभकामनाएँ।#कांग्रेस_का_भर्ती_विधान pic.twitter.com/tALA3FwCdS

— Rahul Gandhi (@RahulGandhi) January 21, 2022

ୟୁପିରେ ଯୁବକମାନଙ୍କୁ ଆକୃଷ୍ଟ କରିବା ପାଇଁ ଜାରି ହୋଇଥିବା ମେନିଫେଷ୍ଟୋର ନାଁ ରଖାଯାଇଛି ’ଭର୍ତ୍ତି ବିଧାନ’ । ଏହି ଇସ୍ତାହାରରେ କଂଗ୍ରେସ କହିଛି କି ଯଦି ୟୁପିରେ କଂଗ୍ରେସ ସରକାର ଆସେ ତେବେ ୨୦ ଲକ୍ଷ ଯୁବକଙ୍କୁ ରୋଜଗାର ଦିଆଯିବ । ଏହା ସହିତ ଦୀର୍ଘ ଦିନ ଧରି ଖାଲି ପଡ଼ିଥିବା ପଦବୀରେ ମଧ୍ୟ ଭର୍ତ୍ତି କରାଯିବ ବୋଲି ଏହି ଇସ୍ତାହାରରେ ଉଲ୍ଲେଖ ରହିଛି । ଉତ୍ତରପ୍ରଦେଶ ସରକାର ଶିକ୍ଷା ବଜେଟ କମ୍ କରଛି ଯଦି କଂଗ୍ରେସ ସରକାର ଆସେ ତେବେ ଶିକ୍ଷା କ୍ଷେତ୍ରରେ ବଜେଟ ବୃଦ୍ଧି କରାଯିବ । ୟୁପିରେ କଂଗ୍ରେସ ସରକାର ଆସିଲେ ସମସ୍ତ ପରୀକ୍ଷାର୍ଥୀଙ୍କ ପାଇଁ ବସ୍ ଓ ରେଳରେ ମାଗଣା ସେବା ଯୋଗାଇ ଦିଆଯିବ ବୋଲି ଆଜିର ଇସ୍ତାହାରରେ ଘୋଷଣା କରିଛି କଂଗ୍ରେସ ।