ରାମଲାଲଙ୍କ ପ୍ରାଣ ପ୍ରତିଷ୍ଠା ଉତ୍ସବକୁ ଯିବେ ଏହି ସବୁ କଂଗ୍ରେସ ନେତା  

ନୂଆଦିଲ୍ଲୀ: ଜାନୁଆରି ୨୨ରେ ଅଯୋଧ୍ୟାରେ ରାମ ମନ୍ଦିର ପ୍ରାଣ ପ୍ରତିଷ୍ଠା ସମାରୋହ ଆୟୋଜିତ ହେବ । ଏହି ଅବସରରେ କଂଗ୍ରେସ ନେତାମାନେ ଅଯୋଧ୍ୟାରେ ଆଗୁଆ ପହଞ୍ଚିବାର ଯୋଜନା ରହିଛି। କଂଗ୍ରେସ ବୈଠକରେ ଏହି ନିଷ୍ପତ୍ତି ନିଆଯାଇଛି । ତେବେ କଂଗ୍ରେସର କେଉଁ କେଉଁ ନେତା ଏଥିରେ ଯୋଗ ଦେବା ଜାଣିନ୍ତୁ।

କଂଗ୍ରେସର ୟୁପି ଯୋଡା ଯାତ୍ରା ଉତ୍ତରପ୍ରଦେଶର ସାହାରନପୁରରୁ ଆରମ୍ଭ ହୋଇ ଶନିବାର ଲକ୍ଷ୍ନୌରେ ଶେଷ ହୋଇଛି। ଏହାପରେ ଦଳର ରାଜ୍ୟ ଦାୟିତ୍ୱରେ ଥିବା ଅବୀନାଶ ପାଣ୍ଡେ, ନେତା ଓ କର୍ମୀଙ୍କ ସହ ଏକ ବୈଠକ କରିଥିଲେ। ଏଥିରେ ରାଜ୍ୟ ସଭାପତି ଅଜୟ ରାୟ, ପୂର୍ବତନ ସାଂସଦ, ବିଧାୟକ ଏବଂ ବହୁ ବଡ ବଡ ନେତା ଉପସ୍ଥିତ ଥିଲେ। ଏହି ବୈଠକରେ କଂଗ୍ରେସ ନେତାମାନେ କିଛି ଦିନ ପୂର୍ବରୁ ଅଯୋଧ୍ୟାରେ ପହଞ୍ଚିବା ନେଇ ଯୋଜନା କରିଛନ୍ତି ।

ବୈଠକରେ ନିଷ୍ପତ୍ତି ନିଆଯାଇଛି ଯେ, ଜାନୁଆରୀ ୧୫ ରେ କଂଗ୍ରେସ ନେତାମାନେ ଅଯୋଧ୍ୟାରେ ପହଞ୍ଚି ରାମଲାଲାଙ୍କୁ ଦର୍ଶନ କରିବେ। ୟୁପି ଦାୟିତ୍ୱରେ ଥିବା ଅବିନାଶ ପାଣ୍ଡେଙ୍କ ସହ ରାଜ୍ୟ ସଭାପତି ଅଜୟ ରାୟ, ବରିଷ୍ଠ କଂଗ୍ରେସ ନେତାଙ୍କ ସମେତ କର୍ମୀମାନେ ଅଯୋଧ୍ୟା ଯିବେ। ଅଯୋଧ୍ୟାରେ ପହଞ୍ଚିବା ପରେ ସରୟୁ ନଦୀରେ ସ୍ନାନ କରି ପ୍ରଭୁ ରାମ ଏବଂ ହନୁମାନଙ୍କୁ ଦର୍ଶନ କରିବେ। ମକର ସଂକ୍ରାନ୍ତି ଅବସରରେ ସମସ୍ତ କଂଗ୍ରେସ ନେତା ଜାନୁଆରୀ ୧୫ରେ ପ୍ରଭୁ ରାମଙ୍କୁ ଦର୍ଶନ କରିବାର ଯୋଜନା ରହିଛି।

ସୂଚନା ଅନୁଯାୟୀ, କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ ଏବଂ ସୋନିଆ ଗାନ୍ଧୀଙ୍କୁ ଅଯୋଧ୍ୟା ରାମ ମନ୍ଦିର ପ୍ରାଣ ପ୍ରତିଷ୍ଠା ସମାରୋହରେ ସାମିଲ ହେବା ପାଇଁ ନିମନ୍ତ୍ରଣ କରା ଯାଇଛି । ଅଯୋଧ୍ୟାରେ ଏହି କାର୍ଯ୍ୟକ୍ରମ ୨ ୦୨୪  ଜାନୁଆରୀ ୨୨ ତାରିଖରେ ଅନୁଷ୍ଠିତ ହେବ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମୁଖ୍ୟ ଜଜମାନ ହେବେ। ପ୍ରାଣ ପ୍ରତିଷ୍ଠା ପୂଜା ପ୍ରଧାନମନ୍ତ୍ରୀ କରିବେ।