ମାଡାମଙ୍କ ମୁଡ୍ ବନିଲା ତ ଗୁଳି ଫୁଟିଲା, ଏବେ ଖୋଜୁଛି ପୋଲିସ

ଉତ୍ତର ପ୍ରଦେଶ: ଦେହରେ ପାଟ ଶାଢ଼ୀ, ବେକରେ ସୁନା ଅଳଙ୍କାର ଓ ହାତରେ ଲୋଡେଡ ରିଭଲଭର । ଦୀପାବଳୀ ଦିନ ମାଡାମଙ୍କର ଏ ରଂଗୀନ ମିଜାଜ ପରେ ଟ୍ରିଗର ଦବିଥିଲା । ସବୁଆତେ ଆତଙ୍କ ଖେଳାଇଥିଲେ ମହିଳା । ଦବଙ୍ଗ ମହିଳାଙ୍କ ଏଭଳି ରୂପ ଦେଖି ସମସ୍ତେ ଡରି ଯାଇଥିଲେ । ସତ ସତିକା ବନ୍ଧୁକରେ ବାରମ୍ବାର ଫାୟାରିଂ ଆରମ୍ଭ କରିଦେଇଥିଲେ ମହିଳା ଜଣଙ୍କ । ଘଟଣାଟି ଉତ୍ତର ପ୍ରଦେଶର ବରେଲି ଅଞ୍ଚଳର । ଇଜ୍ଜତନଗରରେ ରହୁଥିବା ବ୍ୟବସାୟୀ ଅଜୟ ମେହେଟ୍ଟାଙ୍କ ପତ୍ନୀ ଦୀପାବଳି ରାତିରେ ଫାୟାରିଂ କରୁଥିବା ଦେଖିବାକୁ ମିଳିଥିଲା । ଏ ନେଇ ଏକ ଭିଡିଓ ସୋସିଆଲ୍ ମିଡିଆରେ ଭାଇରାଲ୍ ହେବା ପରେ ପୋଲିସ ଏବେ ତଦନ୍ତ ଆରମ୍ଭ କରିଛି । ଇଜ୍ଜତନଗର ଥାନା ଅଧିକାରୀ କେକେ ବର୍ମା କହିଛନ୍ତି ସଂପୃକ୍ତ ବ୍ୟବସାୟୀଙ୍କ ଗନ୍ ଲାଇସେନ୍ସ ରଦ୍ଦ କରାଯିବ । ସେଲିବ୍ରିଟି ଫାୟାରିଂକୁ ବ୍ୟାନ୍ କରିଛନ୍ତି ଉତ୍ତରପ୍ରଦେଶ ସରକାର । ଦୀପାବଳି ଦିନ ସଂପୃକ୍ତ ମହିଳାଙ୍କ ରିପିଟ୍ ଫାୟାରିଂ କାରଣରୁ ସ୍ଥାନୀୟ ଅଞ୍ଚଳର ଲୋକେ ଘରୁ ବାହାରି ପାରିନଥିଲେ । ଦୀପାବଳି ଦିନ ମଧ୍ୟ ସମସ୍ତେ ଘରେ ରହି ଏହାକୁ ସେଲିବ୍ରେଟ୍ କରିଥିଲେ । ମେହେଟ୍ଟା ପରିବାରର ବୋହୁଙ୍କ ଏଭଳି କାରନାମାକୁ ନେଇ ସବୁଠି ଚର୍ଚ୍ଚା ଜୋର ଧରିଛି । ')}