ବିଜେପିରେ ଅଣଦେଖା ଅଭିଯୋଗ, କେନ୍ଦ୍ରମନ୍ତ୍ରୀଙ୍କ ସମାବେଶ ପରେ ଦଳ ଛାଡ଼ିଲେ ବରିଷ୍ଠ ନେତା ଓ କର୍ମୀ

ଢେଙ୍କାନାଳ: ଢେଙ୍କାନାଳରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଚାଷୀ ସମାବେଶର ୫ ଘଣ୍ଟା ନ ପୂରୁଣୁ ଦଳ ଛାଡ଼ିଲେ ବିଜେପିର ବରିଷ୍ଠ ନେତା । ପୂର୍ବତନ ନଗରପାଳ ସୁଧାଂଶୁ କୁମାର ଦଳେଇ, ଜିଲା ଉପସଭାପତି ରମେଶ ଚନ୍ଦ୍ର ସାମଲ, ପୂର୍ବତନ ଉପ ନଗରପାଳ ସୁଚିତ୍ରା ବେହେରା, ପୂର୍ବତନ ଉପନଗର ପାଳିକା ସୁମିତ୍ରା ଭୋଇ, ପୂର୍ବତନ କାଉନସିଲର ଦୀପ୍ତି ରଞ୍ଜନ ସେଠି, ବ୍ରହ୍ମାନନ୍ଦ ମଳିକ, ଅନୁସୟା ଦଳେଇ, ସସ୍ମିତା ଖଟୁଆ, ବାପୁଜି ମଲିକ, ଅବଦୁଲ ଚାନ୍ଦ ଖାଁ ବିଜେପି ଛାଡ଼ିଛନ୍ତି । ଦଳ ପାଇଁ ଦୀର୍ଘ ଦିନ ଧରି କାମ କରୁଥିଲେ ମଧ୍ୟ ଅଣଦେଖା କରାଯାଉଥିବା ଅଭିଯୋଗ କରିଛନ୍ତି ଏହି ନେତାମାନେ । ରବିବାର ଏହି ବରିଷ୍ଠ ନେତାଙ୍କ ସହ ୧୦୦୦ରୁ ଊର୍ଦ୍ଧ୍ୱ ବିଜେପି କର୍ମୀ ବିଜେଡିରେ ସାମିଲ ହେବାର କାର୍ଯ୍ୟକ୍ରମ ରହିଛି ।