ବ୍ରହ୍ମପୁର: ବ୍ରହ୍ମପୁର ଗୋପାଳପୁର ଗଣଦୁଷ୍କର୍ମ ଘଟଣା ସମଗ୍ର ରାଜ୍ୟରେ ଚହଳ ପକାଇଥିଲା । ତା ପରେ ପରେ ପୁଣି ବ୍ରହ୍ମପୁରରେ ଜଣେ ନାବଳିକାଙ୍କୁ ନିଶା ଦେଇ ଦୁଷ୍କର୍ମ ଘଟଣା ଆଲୋଡନ ସୃଷ୍ଟି କରିଛି। ଘଟଣାର ମୁଖ୍ୟ ଅଭିଯୁକ୍ତ ନକଲି ଡାକ୍ତର ଭବାନୀ ଶଙ୍କର ଦାସ ଏବଂ ତାର ଦୁଇ ଜଣ ମହିଳା ସହଯୋଗୀଙ୍କୁ ଗିରଫ କରି ଗତକାଲି ପୋଲିସ କୋର୍ଟ ଚାଲାଣ କରିଛି । ଏଥିସହ ସମ୍ପୃକ୍ତ କ୍ଲିନିକକୁ ସିଲ୍ କରିଛି । କିନ୍ତୁ ଏହି ଘଟଣା ପରେ ମହିଳାମାନେ ଅସୁରକ୍ଷିତ ମଣୁଛନ୍ତି ।
ବ୍ରହ୍ମପୁର ନାବାଳିକା ଦୁଷ୍କର୍ମ ମାମଲାକୁ ନେଇ ରାଜ୍ୟ ସରକାରଙ୍କ ଉପରେ ବର୍ଷିଛନ୍ତି ବିଜେଡିର ବରିଷ୍ଠ ସାଧାରଣ ସଂପାଦକ ସ୍ନେହାଙ୍ଗିନୀ ଛୁରିଆ। ଯେଉଁ ଅସ୍ମିତାର ଦ୍ଵାହି ଦେଇ ବିଜେପି କ୍ଷମତାକୁ ଆସିଛି, ଆଜି ତାହା ଭୂଲୁଣ୍ଠିତ। ଗୋଟିଏ ବର୍ଷର ଉପଲବଧି କ୍ରାଇମରେ ଭର୍ତ୍ତି । ନାରୀ ଆଜି କାହିଁକି ଅସୁରକ୍ଷିତ ବୋଲି ପ୍ରଶ୍ନ କରିଛନ୍ତି ସ୍ନେହାଙ୍ଗନୀ। ସବୁଠୁ ବଳି ଯାଇଛି ଆମେରିକାର ଆଡଭାଇଜରି । ଦୁଷ୍କର୍ମ, ଅପରାଧ ଯୋଗୁଁ ଓଡି଼ଶା ଆଜି ବିଶ୍ବରେ ନିନ୍ଦିତ ହୋଇଛି । ବର୍ଷେ ତଳେ ନବୀନ ସରକାରଙ୍କ ସମୟରେ ବିଭିନ୍ନ କ୍ଷେତ୍ରରେ ଓଡି଼ଶା ସାରା ବିଶ୍ଵରେ ପ୍ରଶଂସିତ ହେଉଥିଲା ବୋଲି କହିଛନ୍ତି ସ୍ନେହାଙ୍ଗନୀ।
ବ୍ରହ୍ମପୁରରେ ଅସୁରକ୍ଷିତ ମହିଳା
