ଚୋରି, ହତ୍ୟା, ଲୁଟ୍, ଛିନତାଇକୁ ନେଇ ଟେନସନରେ କମିଶନରେଟ ପୋଲିସ
1 min read
ଭୁବନେଶ୍ୱର(ଅରୁଣ ସାହୁ): ପୁଣି ମାତିଲେ ଅପରାଧୀ । କୋହଳ ହେଲା କଟକଣା, ବଢ଼ିଲା ଅପରାଧ । ସପ୍ତାହେ ଭିତରେ ଚୋରି, ହତ୍ୟା, ଲୁଟ୍ , ଛିନତାଇକୁ ନେଇ ଟେନସନରେ କମିଶନରେଟ ପୋଲିସ । ସହରରେ ଅପରାଧୀଙ୍କ ଉପରେ ରୋକ୍ ଲଗାଇବା ପାଇଁ ପାଟ୍ରୋଲିଂ ବ୍ୟବସ୍ଥାକୁ କଡାକଡି କରାଯିବ ବୋଲି ଭୁବନେଶ୍ୱର ଡିସିପି କହିଛନ୍ତି ।
ରାଜଧାନୀରେ ଲକଡାଉନ୍ରେ ୱିକେଣ୍ଡ କ୍ରାଇମ୍ । ଆକ୍ଟିଭ୍ ହେଲେଣି କ୍ରିମିନାଲ୍ । କର୍ଫ୍ୟୁ କୋଳରେ ଲୁଟେରା ରାଜ୍ । କୋହଳ ହେଲା କଟକଣା, ସକ୍ରିୟ ହେଲେ ଅପରାଧୀ ଅପରାଧୀଙ୍କ ଷ୍ଟ୍ର।ଟେଜିରେ ଦିଗହରା କମିଶନରେଟ ପୋଲିସ ।
ଜୁନ୍ ୩, ୨୦୨୦– ମାର୍କେଟ ବିଲ୍ଡିଂରୁ ରଜ ଲାଗି ସପିଂ କରି ଘରକୁ ଫେରିବା ବେଳେ, ମନଶ୍ୱିନୀ ବିଶ୍ୱାଳଙ୍କୁ ଝାମ୍ପି ନେଲେ ସୁନା ଚେନ୍ ।
ଜୁନ ୩, ୨୦୨୦- ରାଜୀବ ନଗରରେ ୫ ବର୍ଷର ଶିଶୁପୁତ୍ରଙ୍କୁ ପଡ଼ୋଶୀଙ୍କ ତଣ୍ଟି ଚିପି ହତ୍ୟା ।
ଜୁନ୍ ୭, ୨୦୨୦- ସୁନ୍ଦରପଦା ହାଇଟେକ୍ ପ୍ଲାଜାରୁ ସିକ୍ୟୁରିଟି ସୁପର ଭାଇଜରଙ୍କ ଅପହରଣ ।
ଜୁନ୍ ୮, ୨୦୨୦- ବାଲିପାଟଣା ସରପୁର ବାସନ୍ତୀ ମଞ୍ଜରୀ ପଡ଼ୋଶୀ ଘରକୁ ଯିବା ବେଳେ ତଣ୍ଟିଆ ମାରି ଦୁଇ ଲୁଟେରା ଝାମ୍ପି ନେଲେ ସୁନା ଚେନ୍ ।
ଜୁନ୍ ୧୦, ୨୦୨୦- ବରଗଡ଼ ରତ୍ନାବାଗ ଅଞ୍ଚଳରୁ ସିରିଜ ଚୋରି । ଝରକାତାଡ଼ି ମାତିଲେ କଳାକନା ବୁଲାଇଲେ ଲୁଟେରା । ଏ ସବୁ ଘଟଣାକୁ ଦେଖିଲେ ହତ୍ୟା, ଚୋରି, ଲୁଟ, ସିରିଜ ଚୋରି ଓ ଗୋ।ଷ୍ଠୀ ସଂଘର୍ଷ ବଢିଛି ।
ଲକ୍ଡାଉନ କଟକଣା ଯୋଗୁଁ ଲୋକେ ଘରୁ ବାହାରୁ ନଥିଲେ । କରୋନା ଭୟରେ ଅପରାଧୀ ଅଣ୍ଡର ଗ୍ରାଉଣ୍ଡ ଥିଲେ । କଟକଣା କୋହଳ ହେବା ପରେ ଦୋକାନ ବଜାର ଖୋଲା ରହିବା ପରେ ମଉକା ଦେଖି ଲୁଟେରା ମାନେ ଆରମ୍ଭ କରିଛନ୍ତି ଅପରେସନ୍ । ଲଗାତାର ଚୋରି ଘଟଣା ପରେ ପୁଣି ସହରରେ ପୋଲିସ ପାଟ୍ରୋଲିଂ ବ୍ୟବସ୍ଥାକୁ କଡ଼ାକଡ଼ି କରିବା ସହ ଅପରାଧୀଙ୍କ ଗତିବିଧି ଉପରେ ନଜର ରଖିବାକୁ ଭୁବନେଶ୍ୱର ଡିସିପି କହିଛନ୍ତି ।
ଲକଡାଉନ ପରଠାରୁ ରାଜଧାନୀରେ ଅପରାଧର ଗ୍ରାଫ୍ ବଢିଛି । ସୁନ୍ଦରପଦାରେ ଡକାୟତି ଯୋଜନା କରୁଥିବା ବେଳେ ପୋଲିସ ୫ ଅଭିଯୁକ୍ତଙ୍କ କୋର୍ଟ ଚାଲାଣ କରିଥିବା ବେଳେ ମୁଖ୍ୟ ଅଭିଯୁକ୍ତ ଫେରାର ଅଛି ।
