ରାଜଧାନୀର ରାସ୍ତା ଉପରେ ହାତ କାଟିଦେଲେ ଯୁବତୀ

ଭୁବନେଶ୍ୱର: ହୋଲିକୁ ନେଇ ସାରା ସହର ମସଗୁଲ୍ ଥିଲାବେଳେ ରାଜଧାନୀରେ ଘଟିଛି ଅଭାବନୀୟ ଘଟଣା । ମାଷ୍ଟରକ୍ୟାଣ୍ଟିନ ଛକରେ ଜଣେ ଯୁବତୀ ହାତ କାଟି ଦେଇଛନ୍ତି । ଯୁବତୀ ଜଣଙ୍କୁ ରକ୍ତାକ୍ତ ଅବସ୍ଥାରେ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରିଛି ଖାରବେଳ ନଗର ଥାନା ପୋଲିସ ।

ତେବେ ଯୁବତୀ ଜଣଙ୍କ କାହିଁକି ହାତ କାଟିଦେଲେ ଜଣାପଡ଼ିନାହିଁ । ପୋଲିସ ତଦନ୍ତ ଜାରି ରଖିଥିବା ବେଳେ ସମ୍ପୃକ୍ତ ଯୁବତୀଙ୍କ ପରିଚୟ ମଧ୍ୟ ମିଳିନି । ପ୍ରେମ ବ୍ୟାପାରକୁ ନେଇ ହୋଲିରେ ଯୁବତୀ ଏଭଳି ଚରମ ନିଷ୍ପତ୍ତି ନେଇଥିବା ଆଶଙ୍କା କରାଯାଉଛି ।