ଢ଼େଙ୍କାନାଳରେ ପୁଣି ଅଜଣା ଜନ୍ତୁ ଆତଙ୍କ

ଢ଼େଙ୍କାନାଳ: ଗାଁ ପରେ ସହର । ଢ଼େଙ୍କାନାଳରେ ପୁଣି ଅଜଣା ଜନ୍ତୁ ଆତଙ୍କ । ଗତକାଲି ରାତିରେ ଢେଙ୍କାନାଳ ଲକ୍ଷ୍ମୀବଜାର ଅଞ୍ଚଳରେ ଅଜଣା ଜନ୍ତୁ ଆତଙ୍କ ଦେଖିବାକୁ ମିଳିଛି । ଅଜଣା ଜନ୍ତୁ ଆକ୍ରମଣରେ ୩ ଜଣ ଆହତ ହୋଇଛନ୍ତି । ସିସିଟିଭିରେ କଏଦ ହୋଇଛି ଅଜଣା ଜନ୍ତୁର ଚିତ୍ର । ରାତିରେ ଅଜଣା ଜନ୍ତୁ ସହର ଭିତରେ ପଶି ଲୋକଙ୍କୁ ଆକ୍ରମଣ କରୁଛି । ଜନ୍ତୁଟି କ’ଣ ଏ ପର୍ଯ୍ୟନ୍ତ ଜଣାପଡ଼ିନାହିଁ । ରାତି ୩ଟା ୩୦ ମିନିଟ୍ ସମୟରେ ଜନ୍ତୁଟି ଢେଙ୍କାନାଳ ସହର ଭିତରେ ବୁଲୁଥିବାର ଦୃଶ୍ୟ କଏଦ ହୋଇଛି । ପୂର୍ବରୁ ଆରଦା ଗାଁରେ ମଧ୍ୟ ପଚାଶରୁ ଅଧିକ ମେଣ୍ଢାଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଥିଲା ।