ଆମେରିକାରେ ପ୍ରଳୟଙ୍କରୀ ଝଡ଼ ତୋଫାନ, ୨୧ ମୃତ

ଓ୍ୱାଶିଂଟନ: ଆମେରିକାରେ ଭୟଙ୍କର ଝଡ଼ ତୋଫାନ । ଆମେରିକାର ଦକ୍ଷିଣ ଓ ମଧ୍ୟ ପଶ୍ଚିମ ଭାଗରେ ବିନାଶକାରୀ ଝଡ଼ରେ ମୃତ୍ୟୁସଂଖ୍ୟା ୨୧ ଛୁଇଁଛି । ଅନେକ ଲୋକ ଆହତ ହୋଇଛନ୍ତି । ପ୍ରବାଭିତ ଅଞ୍ଚଳରେ ଲୋକମାନଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଉଥିବା ବେଳେ କ୍ଷତିଗ୍ରସ୍ତ ଅଞ୍ଚଳରେ ରେସ୍କ୍ୟୁ ଅପରେସନ ଜାରି ରହିଛି । ଅନେକ ଘର ଭାଙ୍ଗିଥିବା ବେଳେ ଶତାଧିକ ଘରର ଛାତ ଉଡ଼ି ଯାଇଥିବା ଦେଖାଯାଇଛି ।

ଭୟଙ୍କର ଝଡ଼ ତୋଫାନ ପାଇଁ ଆସନ୍ତା ୨୪ ଘଣ୍ଟା ଅନ୍ୟ କିଛି ଅଞ୍ଚଳକୁ ହାଇଆଲର୍ଟ ଜାରି କରାଯାଇଛି । କିଛିଦିନ ତଳେ ଆମେରିକାର ଦକ୍ଷିଣ-ପୂର୍ବ ରାଜ୍ୟରେ ପ୍ରଳୟ ରଚିଥିଲା ଝଡ଼ ତୋଫାନ । ଘଣ୍ଟା ପ୍ରତି ୧୬୦ କିମି ବେଗରେ ପବନ ଯୋଗୁ ଅନେକ ଘର ଭାଙ୍ଗିଥିବା ବେଳେ ୨୩ ଜଣଙ୍କର ମୃତ୍ୟୁ ହୋଇଥିଲା ।