ପୁରୀରେ କେନ୍ଦ୍ରମନ୍ତ୍ରୀ ଅଶ୍ବିନୀ ବୈଷ୍ଣବ, ଶ୍ରୀଜିଉଙ୍କୁ ଦର୍ଶନ କରି ରେଳ ଷ୍ଟେସନର ଉନ୍ନୟନମୂଳକ କାମର କଲେ ଅନୁଧ୍ୟାନ

ପୁରୀ: ପୁରୀରେ କେନ୍ଦ୍ରମନ୍ତ୍ରୀ ଅଶ୍ବିନୀ ବୈଷ୍ଣବ। ଶ୍ରୀମନ୍ଦିରରେ ଶ୍ରୀଜିଉଙ୍କୁ ଦର୍ଶନ କରି ଆଶିଷ ଲାଭ କରିବା ସହ ସାଢେ ୪କୋଟି ଓଡିଆଙ୍କ ମଙ୍ଗଳ କାମନା କରିଛନ୍ତି l ପରେ ସିଧାସଳଖ ପୁରୀ ରେଳ ଷ୍ଟେସନକୁ ଆସି ସମସ୍ତ ଉନ୍ନୟନମୂଳକ ଓ ସୌନ୍ଦର୍ଯ୍ୟକରଣ କାର୍ଯ୍ୟର ସମୀକ୍ଷା ଓ ଅନୁଧ୍ୟାନ କରିଥିଲେ।

ଖୁବଶୀଘ୍ର ପୁରୀରୁ କୋଣାର୍କକୁ ରେଳ ଚଳାଚଳ କରିବ। ଏଥିପାଇଁ ଜମି ଅଧିଗ୍ରହଣ ପ୍ରକ୍ରିୟା ଜାରି ରହିଛି। ପ୍ରସ୍ତାବିତ ନବକଳେବର ପାଇଁ ଅଶ୍ୱିନୀ ବୈଷ୍ଣବ ପୁରୀ ଷ୍ଟେସନରେ ପହଞ୍ଚି ବୁଲି ଦେଖିସାରବା ପରେ ବର୍ତ୍ତମାନର ଷ୍ଟେସନକୁ ବିଶ୍ବସ୍ତରୀୟ ଷ୍ଟେସନ କରିବାକୁ ଗୁରୁତ୍ବ ଦେଇଛନ୍ତି।ତାଙ୍କ ସହିତ ପୁରୀ ସାଂସଦ ସମ୍ବିତ ପାତ୍ର, ରେଳ ବିଭାଗର ବରିଷ୍ଠ ଅଧିକାରୀ ମାନେ ମଧ୍ୟ ଉପସ୍ଥିତ ଥିଲେ। ସ୍ୱତନ୍ତ୍ର ପ୍ଲାନ ଓ ଡିଜାଇନ ସହ ଏଥିରେ କିଛି ପରିବର୍ତ୍ତନ ନେଇ ସେ ଆଲୋଚନା କରିଥିଲେ । ୩୬୪ କୋଟି ଟଙ୍କାର ଏ ପ୍ରକଳ୍ପ କାମ ଦୁଇ ବର୍ଷ ଭିତରେ ଶେଷ କରିବାକୁ ସେ ପରାମର୍ଶ ଦେଇଛନ୍ତି।