ହାଇଦ୍ରାବାଦ: ଦେଶରେ ନିର୍ବାଚନ ଜାରି ରହିଥିବା ବେଳେ ନିର୍ବାଚନ ଆୟୋଗ ପକ୍ଷରୁ ଚେକିଂ ପାଇଁ ସ୍କ୍ବାଡ ପ୍ରସ୍ତୁତ । ଯେଉଁମାନେ ବିଭିନ୍ନ ସ୍ଥାନରେ ଚେକିଂ ଚଳାଇଛନ୍ତି । ଏହା ମଧ୍ୟରେ ଆନ୍ଧ୍ରପ୍ରଦେଶର ଏକ ଚେକପୋଷ୍ଟ ନିକଟରୁ ବିପୁଳ ପରିମାଣର ନଗଦ ଟଙ୍କା ଜବତ କରାଯାଇଛି ।
ଚେକପୋଷ୍ଟରେ ପିଭିସି ପାଇପ୍ ନେଇ ଯାଉଥିବା ଏକ ଟ୍ରକକୁ ଯାଞ୍ଚ ୮.୩୬ କୋଟି ନଗଦ ଟଙ୍କା ଜବତ ହୋଇଥିଲା। ଆନ୍ଧ୍ରପ୍ରଦେଶ ଏବଂ ତେଲେଙ୍ଗାନା ଆନ୍ତ-ରାଜ୍ୟ ଗରିକପଡୁ ଚେକ୍ ପୋଷ୍ଟରେ ପୋଲିସ ଏହି ଟଙ୍କା ଜବତ କରିଛି।
#WATCH | Andhra Pradesh: NTR district police seized Rs 8 crores cash at the Garikapadu check post in NTR district. The money was discovered in a pipe-loaded lorry in a separate cabin and two individuals have been detained. The money was being transported from Hyderabad to Guntur.… pic.twitter.com/Sqmpq9EIdc
— ANI (@ANI) May 9, 2024
ହାଇଦ୍ରାବାଦରୁ ଗୁଣ୍ଟୁରକୁ ଯାଉଥିବା ଟ୍ରକର ଡ୍ରାଇଭର ସିଟ୍ ପଛରେ ଥିବା ଏକ କ୍ୟାବିନରୁ ଏହି ଟଙ୍କା ଜବତ ହୋଇଛି। ଏହି ଟ୍ରକଟି ଚିତ୍ତୋର ଜିଲ୍ଲାର ଶେଖ ଅଜିଜ ନାମକ ଜଣେ ବ୍ୟକ୍ତିଙ୍କ ନାମରେ ପଞ୍ଜିକୃତ ରହିଛି। ଏହି ଘଟଣାରେ ଅଧିକ ସୂଚନା ପାଇଁ ପୋଲିସ ଟ୍ରକ ଡ୍ରାଇଭର ଓ କ୍ଲିନରକୁ ଅଟକ ରଖି ଜେରା କରୁଛି । ଅପରପକ୍ଷେ ଟ୍ରେଜେରୀ ବିଭାଗରେ ନଗଦ ଜମା କରିବା ପରେ ପୋଲିସ CrPC ର ଧାରା 41 ଏବଂ 102 ଅନୁଯାୟୀ ଏକ ମାମଲା ମଧ୍ୟ ରୁଜୁ କରିଛି।
