ଗୁଜୁରାଟରେ ବନ୍ଦୀ ଅତିକ ଅହମ୍ମଦର ନିବେଦନ; ୟୁପିର ଜେଲକୁ ସ୍ଥାନାନ୍ତର ନକରାଯାଉ

ଅହମ୍ମଦାବାଦ: ଅହମ୍ମଦାବାଦ ଜେଲରେ ବନ୍ଦୀ ଗ୍ୟାଙ୍ଗଷ୍ଟାର ଅତିକ ଅହମ୍ମଦ ସଂରକ୍ଷଣ ପାଇଁ ସୁପ୍ରିମକୋର୍ଟରେ ଆବେଦନ କରିଛି । ଉମେଶପାଲ ହତ୍ୟାକାଣ୍ଡ ପରେ କାର୍ଯ୍ୟାନୁଷ୍ଠାନ ଏବଂ ବିଜେପି ନେତାଙ୍କ ଆକ୍ରାମକ ବୟାନ ମଧ୍ୟରେ ଅତିକ ଅହମ୍ମଦର ପଦକ୍ଷେପ ସାମ୍ନାକୁ ଆସିଛି । ନିଜ ଆବେଦନରେ ସେ ଅନୁରୋଧ କରିଛି ଯେ, ତାକୁ ଗୁଜୁରାଟରୁ କୌଣସି ଅନ୍ୟ ଜେଲକୁ ପଠା ନଯାଉ । ସମାଜବାଦୀ ପାର୍ଟିର ନେତା ଅତିକ ଅହମ୍ମଦ ସୁପ୍ରିମକୋର୍ଟରୁ ନିଜ ସୁରକ୍ଷା ପାଇଁ ଅନୁରୋଧ କରି କହିଥିଲେ ଯେ ତାଙ୍କ ଜୀବନ ପ୍ରତି ବିପଦ ରହିଛି । ଏଥିସହ ଅତିକ ଅନୁରୋଧ କରିଛନ୍ତି ଯେ ପୋଲିସ ହେପାଜତରେ ପଚରା ଉଚରା ସମୟରେ ତାଙ୍କୁ କୌଣସି ବି ପ୍ରକାର ଶାରିରୀକ କ୍ଷତି ନପହଞ୍ଚାଯାଉ । ସେ କୋର୍ଟଙ୍କୁ ଅନୁରୋଧ କରିଛନ୍ତି ଯେ ତାଙ୍କୁ ଅହମ୍ମଦାବାଦ ଜେଲରୁ ଉତ୍ତରପ୍ରଦେଶର ପ୍ରୟାଗରାଜ କିମ୍ବା ରାଜ୍ୟର ଅନ୍ୟ କୌଣସି ଜେଲକୁ ସ୍ଥାନାନ୍ତର ନକରାଯାଉ ।

କାରଣ ବିଜେପି ମନ୍ତ୍ରୀଙ୍କ ବୟାନରୁ ଏପରି ଲାଗୁଛି ଯେ ତାଙ୍କର ଫେକ୍ ଏନକାଉଣ୍ଟର କରାଯାଇପାରେ । ତେଣୁ ତାଙ୍କର ସୁରକ୍ଷା ସୁନିଶ୍ଚିତ କରିବା ନେଇ ସୁପ୍ରିମକୋର୍ଟ ନିର୍ଦ୍ଦେଶ ଦିଅନ୍ତୁ ବୋଲି ସେ ଅନୁରୋଧ କରିଛି । ବିଏସପି ବିଧାୟକ ରାଜୁ ପାଲଙ୍କ ହତ୍ୟାର ମୁଖ୍ୟ ସାକ୍ଷୀ ଉମେଶ ପାଲ ଏବଂ ତାଙ୍କ ସୁରକ୍ଷାକର୍ମୀ ସନ୍ଦୀପ ନିଷାଦଙ୍କୁ ଗତ ସପ୍ତାହରେ ପ୍ରୟାଗରାଜର ଧୁମନଙ୍ଗଜ ଅଞ୍ଚଳରେ ଗୁଳି ହତ୍ୟା କରାଯାଇଥିଲା । ଏହାପରେ ୟୁପି ପୋଲିସ ଓ ପ୍ରଶାସନ ଆକ୍ସନ ମୋଡକୁ ଆସିଯାଇଛନ୍ତି । ମାମଲା ସହ ସମ୍ବନ୍ଧିତ ଲୋକଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି । ଉମେଶ ପାଲ ୨୦୦୫ରେ ପ୍ରୟାଗରାଜରେ ହୋଇଥିବା ହତ୍ୟା ମାମଲାରେ ମୁଖ୍ୟ ସାକ୍ଷୀ ଥିଲେ । ଏହି ମାମଲାରେ ଅତିକ ଅହମଦ ଏବଂ ଅନ୍ୟ ମୁଖ୍ୟ ଅଭିଯୁକ୍ତ ରହିଛନ୍ତି ।