ମିଶନରେଟ ପୁଲିସ ହାତରେ ମହାଠକ, କେନ୍ଦୁଝରରୁ ଗିରଫ କଲା ଚନ୍ଦ୍ରଶେଖରପୁର ପୋଲିସ

ଭୁବନେଶ୍ୱର: କମିଶନରେଟ ପୁଲିସ ହାତରେ ମହା ଠକ । ମେଡିସିନ ଷ୍ଟୋର ମାଲିକ ଉମେଶ ଚନ୍ଦ୍ର ପାଢ଼ୀଙ୍କୁ କେନ୍ଦୁଝରରୁ ଗିରଫ କଲା ଚନ୍ଦ୍ରଶେଖରପୁର ପୁଲିସ । ୧୦ ପ୍ରତିଶତ ଟଙ୍କାର ଲୋଭ ଦେଖାଇ ଏକାଧିକ ଲୋକଙ୍କୁ ଠାରୁ ପ୍ରାୟ ୫ କୋଟି ଟଙ୍କା ଠକେଇ କରିଥିବା ନେଇ ଅଭିଯୋଗ ହୋଇଛି । ଠକେଇ ଟଙ୍କାରେ ଠକ କରୁଖିଲା ଅୟସ । ପୋଲିସର ସୂଚନା ଅନୁସାରେ ଉମେଶଙ୍କର ୨୦୧୯ ମସିହାରୁ AYUSH MEDICARE” ନାମରେ ନୀଳାଦ୍ରୀ ବିହାର ଅଞ୍ଚଳରେ ଗୋଟିଏ ଔଷଧ ଦୋକାନ ଖୋଲିଥିଲା ।

୧୦ ପ୍ରତିଶତ ସୁଧ ହାରରେ ବ୍ୟବସାୟରେ ଟଙ୍କା ବିନିଯୋଗ କରିବା ପାଇଁ ଅଭିଯୋଗକାରୀଙ୍କୁ ଲୋଭ ଦେଖାଇଥିଲେ । ଉମେଶ ଅଭିଯୋଗକାରୀଙ୍କ ଠାରୁ NEFT, RTGS, ଚେକ୍, ଫୋନ୍ ପେ, ଓ ଗୁଗୁଲ୍ ପେ ବିଭିନ୍ନ ମାଧ୍ୟମରେ ଭିନ୍ନ ଭିନ୍ନ ସମୟରେ ପ୍ରାୟ ୧୯ ଲକ୍ଷ ଟଙ୍କା ନେଇଥିଲ । କିନ୍ତୁ ପରବର୍ତ୍ତୀ ସମୟରେ ଠକ ଉମେଶ ସୁଧ ଆକାରରେ କୌଣସି ଲାଭ ଟଙ୍କା ଦେଇ ନଥିଲେ । ଟଙ୍କା ମାଗିବାରୁ ଅଶ୍ଳୀଳ ଭାଷାରେ ଦୁର୍ବ୍ୟବହାର କରିବା ସହିତ ଜୀବନରେ ମାରିବାକୁ ଧମକ ଦେଇଥିଲେ । ଏନେଇ ଚନ୍ଦ୍ରଶେଖରପୁର ଥାନାରେ ଲିଖିତ ଅଭିଯୋଗ ହେବା ପରେ ପୋଲିସ ତଦନ୍ତ ଆରମ୍ଭ କରିଥିଲା ।

ଅଭିଯୁକ୍ତ ଜଣକ ଗତ ୬ ମାସ ମଧ୍ୟରେ କେବଳ ଅଭିଯୋଗକାରିଙ୍କୁ ନୁହେଁ ବରଂ ଏପରି ଭୁବନେଶ୍ଵର, କଟକ, ପୁରୀ ଏବଂ ଅନନ୍ଦପୁରର ପ୍ରାୟ ୬ ରୁ ଅଧିକ ନିରୀହ ଲୋକମାନଙ୍କୁ ପ୍ରାୟ ୪ କୋଟି ଟଙ୍କା ଠକି ଥିବା ଜଣା ପଡିଛି । ନିଜର ବ୍ୟବସାୟ ଛାଡି କେଉଁଝର ଜିଲ୍ଲା ଘଷିପୁରାରେ ଲୁଚି ରହିଥିଲେ । ଠକ ଉମେଶଙ୍କୁ ଆନନ୍ଦପୁର ଘଷିପୁରାରାରୁ ଗିରଫ କରିବା ପରେ ଅଭିଯୋଗ ସଂଖ୍ୟା ବଢିବାରେ ରିାମଣ୍ଡରେ ଆଣିବ ପୋଲିସ । ଏବେ ଶୁଦ୍ଧା ଥାନାରେ ୬ ଜଣ ଅଭିଯୋଗ କରିଛନ୍ତି । ଯେଉଁମାନେ ଠକେଇର ଶିକାର ହୋଇଥିବେ ଥାନାରେ ଏତଲା ଦେବାକୁ ଡିସିପି ଅପିଲ କରିଛନ୍ତି ।