ହାତରେ କରଣୀ ଧରି ରାଜମିସ୍ତ୍ରୀ ସାଜିଲେ ବିଡ଼ିଓ ? ଜାଣନ୍ତୁ କାହିଁକି

ଉମରକୋଟ: ବିଡିଓ ବନିଲେ ରାଜମିସ୍ତ୍ରୀ । କାର୍ଯ୍ୟକୁ ନିର୍ଦ୍ଧାରିତ ସମୟସୀମା ମଧ୍ୟରେ ସାରିବାକୁ ନିଜେ ହାତରେ କରଣୀ ବିଡ଼ିଓ ସାଜିଲେ ରାଜମିସ୍ତ୍ରୀ । ପ୍ରଧାନମନ୍ତ୍ରୀ ଆବାସ ଯୋଜନାର କାମ ତଦାରଖ କରିବାକୁ ଯାଇ ଝରିଗାଁ ବିଡିଓ ପ୍ରଶାନ୍ତ କୁମାର ରାଉତ ରାଜମିସ୍ତ୍ରୀ ସାଜିଛନ୍ତି । ନିଜେ କରଣୀ ଧରି କାର୍ଯ୍ୟ କରିବା ସହ ଧାର୍ଯ୍ୟ ସମୟରେ କାମ ସାରିବାକୁ ତାଗିଦ ମଧ୍ୟ କରିଛନ୍ତି  ।

ସୂଚନା ଅନୁସାରେ, ପ୍ରଧାନମନ୍ତ୍ରୀ ଆବାସ ଯୋଜନା ମନ୍ଥର ଗତିରେ ଚାଲୁଥିବା ଖବର ପାଇଥିଲେ ବିଡ଼ିଓ । ଆଉ ଏହାପରେ ନିଜେ ବିଡିଓ ପ୍ରଶାନ୍ତ କୁମାର ଗ୍ରାଉଣ୍ଡ ଜିରୋ ପହଞ୍ଚି କାର୍ଯ୍ୟର ତଦାରଖ କରିଥିଲେ । ଏହାସହ ପାଲିଆ ଗାଁର ହିତାଧିକାରୀ ହୀରାବତୀ ଗୌଡ଼ଙ୍କ ଘରେ ପହଞ୍ଚି କାମ ତଦାରଖ ବେଳେ, ବିଡିଓଙ୍କ ଏ ନୂଆ ଅବତାର ଦେଖିବାକୁ ମିଳିଥିଲା । ତେବେ ବିଡିଓ ପ୍ରଶାନ୍ତଙ୍କ ଏଭଳି କାର୍ଯ୍ୟକୁ ସାଧାରଣରେ ବେଶ ପ୍ରଶଂସା କରାଯାଇଛି  ।