କାଲିଠୁ ଅଲଟିମେଟ ଖୋଖୋ ସିଜନ-୨, ଦୁଲୁକିବ ଜବାହରଲାଲ ନେହେରୁ ଇଣ୍ଡୋର ଷ୍ଟାଡିୟମ

କଟକ: ଜାତୀୟ ଓ ଅନ୍ତର୍ଜାତୀୟ କ୍ରୀଡାର ଶ୍ରେଷ୍ଠ ଆୟୋଜନ ପାଇଁ ସୁନାମ ଅର୍ଜନ କରିଥିବା ଓଡିଶାରେ ଆଉ ଏକ ମେଗା ଇଭେଣ୍ଟ । ଆସନ୍ତାକାଲିଠାରୁ କଟକ ଜବାହରଲାଲ ନେହେରୁ ଇଣ୍ଡୋର ଷ୍ଟାଡିୟମରେ ଆରମ୍ଭ ହେବ ଅଲଟିମେଟ ଖୋଖୋ ସିଜିନ-୨ । ଆଇପିଏଲ ଢାଞ୍ଚାରେ ୬ଟି ଟିମକୁ ନେଇ ଡିସେମ୍ବର ୨୪ରୁ ଜାନୁଆରୀ ୧୩୧ ତାରିଖ ପର୍ଯ୍ୟନ୍ତ ଚାଲିବ ମ୍ୟାଚ । ଟୁର୍ଣ୍ଣାମେଣ୍ଟର ଉଦଘାଟନୀ ମ୍ୟାଚ ଚାମ୍ପିଅନ ଓଡିଶା ଜଗରନଟ୍ ଓ ରାଜସ୍ଥାନ ଓ୍ବାରିୟର୍ସ ମଧ୍ଯରେ ଖେଳାଯିବ ।

ଏହାର ପ୍ରଥମ ସଂସ୍କରଣ ପୁନେରେ ଖେଳା ଯାଇଥିଲା । ଏଥିରେ ଓଡିଶା ଜଗରନଟ୍ ଚାମ୍ପିଅନ ହୋଇଥିଲା । ସିଜନ-୨ ପାଇଁ ଜବାହରଲାଲ ନେହେରୁ ଇଣ୍ଡୋର ଷ୍ଟାଡିୟମକୁ ସୁନ୍ଦର ଭାବେ ସଜାଯାଇଛି ।

ଚଳିତ ମୁକାବିଲାରେ ଓଡିଶା ଜଗରନଟ୍, ରାଜସ୍ଥାନ ଓ୍ବାରିୟର୍ସ, ଗୁଜରାଟ ଜିଆଣ୍ଟସ, ଚେନ୍ନାଇ କୁଇକ୍ ଗନ୍ସ, ମୁମ୍ବାଇ ଖେଲାଡିଜ୍, ତେଲଗୁ ଯୋଦ୍ଧାସଙ୍କୁ ଦେଖିବାକୁ ମିଳିବ । ଓଡିଶାରେ ଏହି ମେଗା ଇଭେଣ୍ଟ ଆୟୋଜନ ହେଉଥିବାରୁ ଦେଖିବାକୁ ମିଳିଛି ଉତ୍ସାହ । ଟୁର୍ଣ୍ଣାମେଣ୍ଟ ୨୦ ଦିନ ଧରି ଚାଲିବ । ଏହା ଓଡିଶା କ୍ରୀଡା କ୍ଷେତ୍ରରେ ଆଉ ଏକ ନୂଆ ଫର୍ଦ୍ଦ ଯୋଡିବ ବୋଲି କହିଛନ୍ତି କ୍ରୀଡାପ୍ରେମୀ ।