ନନ୍ଦିଘୋଷ ବ୍ୟୁରୋ : ରୁଷର କେତେକ ପାୱାର ଓ ଏନର୍ଜି ପ୍ଲାଣ୍ଟ ଉପରେ ୟୁକ୍ରେନର ଡ୍ରୋନ ଆଟାକ। ଡ୍ରୋନ ହମଲା ପରେ କୁର୍ସ୍କ ଆଣବିକ ଶକ୍ତି କେନ୍ଦ୍ରର ଉତ୍ପାଦନ ହ୍ରାସ ପାଇଛି। ଏହା ସହ ଉସ୍ତଲୁଗା ଫୁଏଲ ଏକ୍ସପୋର୍ଟ ଟର୍ମିନାଲରେ ନିଆଁ ଲାଗିଥିବା ସୂଚନା ମିଳିଛି। ୟୁକ୍ରେନ ସୀମା ନିକଟରେ କୁର୍ସ୍କ ଆଣବିକ ପ୍ଲାଣ୍ଟ ରହିଛି। ଫଳରେ ଏହି ୟୁକ୍ରେନ ଏହି ଆକ୍ରମଣ କରିଥିବା କୁହାଯାଇଛି। ଡ୍ରୋନ ହମଲା ପରେ ପ୍ଲାଣ୍ଟ ଟ୍ରାନ୍ସଫର୍ମର ଉତ୍ପାଦନ ୫୦ ପ୍ରତିଶତ ହ୍ରାସ ପାଇଛି। ଡ୍ରୋନ ହମଲାରେ କେହି ମୃତାହତ ହୋଇଥିବା ସୂଚନା ମିଳିନାହିଁ। ତେବେ ହମଲା ପରେ ତେଜଷ୍କ୍ରିୟ ସ୍ତର ବିଶେଷ ବଢ଼ି ନଥିବା ସୂଚନା ମିଳିଛି। ଗତକାଲି ରାତିରେ କୁର୍ସ୍କ ପ୍ଲାଣ୍ଟ ଉପରେ ୟୁକ୍ରେନର ୧୦ରୁ ଅଧିକ ଡ୍ରୋନ ହମଲା ହୋଇଥିଲା।
