ମୋଦିଙ୍କୁ ୟୁକ୍ରେନ ବୈଦେଶିକ ମନ୍ତ୍ରୀଙ୍କ ଅନୁରୋଧ, ଯୁଦ୍ଧ ବନ୍ଦ କରିବାକୁ ଋଷ ସହ କରନ୍ତୁ ଆଲୋଚନା
କିଭ୍:ଋଷ ବିରୁଦ୍ଧରେ ଯୁଦ୍ଧ ଲଢ଼ୁଥିବା ୟୁକ୍ରେନର ବୈଦେଶିକ ମନ୍ତ୍ରୀ ଦିମିତ୍ରୋ କୁଲେବା ଯୁଦ୍ଧ ପ୍ରସଙ୍ଗରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ଆଲୋଚନା କରିଛନ୍ତି। ସେ ଏହି ଯୁଦ୍ଧ ବନ୍ଦ କରିବା ସକାଶେ ଋଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ସହ ଆଲୋଚା କରିବା ଲାଗି ମୋଦିଙ୍କୁ ଅନୁରୋଧ କରିଛନ୍ତି । ଏକ ଟିଭି କାର୍ଯ୍ୟକ୍ରମରେ ସମ୍ବୋଧନ କରି କୁଲେବା କହିଛନ୍ତି ଯେ ଯେଉଁ ସବୁ ରାଷ୍ଟ୍ରମାନଙ୍କର ଭାରତ ସହ ଭଲ ସମ୍ପର୍କ ରହିଛି ସେମାନେ ପ୍ରଧାନମନ୍ତ୍ରୀ ମୋଦିଙ୍କୁ ଅନୁରୋଧ କରିପାରିବେ ଯେ ସେ ପୁଟିନଙ୍କ ସହ ଆଲୋଚନା ଜାରି ରଖିନ୍ତୁ ଓ ତାଙ୍କୁ ବୁଝାନ୍ତୁ ଯେ ଏହି ଯୁଦ୍ଧ କୌଣସି ରାଷ୍ଟ୍ର ଲାଗି ମଙ୍ଗଳପ୍ରଦ ନୁହେଁ। ଏମିତି କି ଋଷ ନାଗରିକମାନେ ମଧ୍ୟ ଯୁଦ୍ଧ ଚାହୁଁନାହାଁନ୍ତି ।
କୁଲେବା କହିଛନ୍ତି ଯେ ଭାରତର ସ୍ୱାର୍ଥ ଦୃଷ୍ଟିରୁ ୟୁକ୍ରେନ ଉପରେ ଋଷ ଆକ୍ରମଣ ବନ୍ଦ କରିବା ଉଚିତ। ଏନେଇ ଋଷ ସହ ଭାରତ ଆଲୋଚନା କରିବା ଉଚିତ। କୁଲେବାଙ୍କ କହିବା କଥା ଯେ ୟୁକ୍ରେନର କୃଷିଜାତ ଦ୍ରବ୍ୟର ସବୁଠାରୁ ବଡ ଉପଭୋକ୍ତାମାନଙ୍କ ମଧ୍ୟରୁ ଭାରତ ଅନ୍ୟତମ। ଯଦି ଏହି ଯୁଦ୍ଧ ଜାରି ରହେ, ତେବେ ଆମ ପାଇଁ ନୂଆ ଫସଲ ବୁଣିବା କଷ୍ଟକର ହୋଇଯିବ । ତେଣୁ ବିଶ୍ୱ ତଥା ଭାରତୀୟ ଖାଦ୍ୟ ନିରାପତ୍ତା ଦୃଷ୍ଟିରୁ ମଧ୍ୟ ଏହି ଯୁଦ୍ଧ ବନ୍ଦ କରିବା ସମସ୍ତଙ୍କ ପାଇଁ ହିତକରେ। ସେ କହିଛନ୍ତି ଯେ ଭାରତରେ ରୁଷ ଦୂତାବାସ ଉପରେ ଚାପ ପକାଇ ଭାରତୀୟ ଲୋକମାନେ ରୁଷକୁ ଯୁଦ୍ଧ ବନ୍ଦ କରିବାକୁ ଦାବି କରିପାରିବେ। ୟୁକ୍ରେନ କବଳ ଋଷର ଆକ୍ରମଣ ପ୍ରତିଉତ୍ତରରେ ଓ ନିଜ ଜମିର ସୁରକ୍ଷା ପାଇଁ ଯୁଦ୍ଧ କରୁଛି।
ଦିମିତ୍ରୋ କୁଲେବା ଆହୁରି କହଛନ୍ତି ଯେ ଋଷ ସେହି ଦେଶ ପ୍ରତି ସହାନୁଭୂତି ଦେଖାଇବାର ନାଟକ କରୁଛି ଯେଉଁମାନଙ୍କ ନାଗିରିକ ୟୁକ୍ରେନରେ ଫସି ରହିଛନ୍ତ । ସେ କହିଛନ୍ତି ଯେ ଯଦି ବିଦେଶୀ ଛାତ୍ର ପ୍ରସଙ୍ଗରେ ଋଷ ସହଯୋଗ କରେ ତେବେ ସମସ୍ତଙ୍କୁ ନିରାପଦରେ ସ୍ଥାନାନ୍ତର କରାଯିବ। ସେ କହିଛନ୍ତି, “ମୁଁ ଭାରତ, ଚୀନ୍ ଏବଂ ନାଇଜେରିଆ ସରକାରଙ୍କୁ ନିବେଦନ କରୁଛି ଯେ ସେମାନେ ଋଷକୁ ଗୁଳି ବିନିମୟ ବନ୍ଦ କରିବାକୁ ଏବଂ ସାଧାରଣ ନାଗରିକଙ୍କୁ ଯିବାକୁ ଅନୁମତି ଦେବାକୁ ଅନୁରୋଧ କରନ୍ତୁ।
