ଋଷ-ୟୁକ୍ରେନ ଯୁଦ୍ଧରେ ୟୁକ୍ରେନର ହେବ ବିଜୟ: ଆମେରିକା ବୈଦେଶିକ ମନ୍ତ୍ରୀ

ଓ୍ୱାଶିଂଟନ: ଋଷ-ୟୁକ୍ରେନ ମଧ୍ୟରେ ଜାରି ରହିଛି ଜୋରଦାର ଲଢ଼େଇ । ଫେବ୍ରୁଆରୀ ୨୪ରୁ ଆରମ୍ଭ ହୋଇଥିବା ଏହି ଯୁଦ୍ଧ ଦିନକୁ ଦିନ ଭୟଙ୍କର ହେବାରେ ଲାଗିଛି । ତେବେ ଏହାରି ମଧ୍ୟରେ ଏକ ବଡ଼ କବର ସାମ୍ନାକୁ ଆସିଛି । ଋଷ-ୟୁକ୍ରେନ ଯୁଦ୍ଧରେ ୟୁକ୍ରେନର ହେବ ବିଜୟ । ଏହି ସୂଚନା ଦେଇଛନ୍ତି ଆମେରିକା ବୈଦେଶିକ ମନ୍ତ୍ରୀ ଆଣ୍ଟୋନି ବ୍ଲିଙ୍କେନ । ସେ କହିଛନ୍ତି- ଏହି ଯୁଦ୍ଧ କେତେ ଦିନ ଯାଏ ଚାଲିବ ତାହା ସେ କହିପାରିବେ ନାହିଁ । ମାତ୍ର ଯୁଦ୍ଧ ଶେଷରେ ୟୁକ୍ରେନର ବିଜୟ ହେବ ଏହା ନିଶ୍ଚିତ । ୟୁକ୍ରେନ ସରକାରଙ୍କୁ ଗାଦିଚ୍ୟୁତ କରିବା ଲାଗି ଋଷ ଉଦ୍ୟମ କରିବା ସହ ଏକ ସଖୀକଣ୍ଢେଇ ସରକାର ଗଠନ କରିବା ଲାଗି ଯୋଜନା କରୁଛି । ମାତ୍ର ୟୁକ୍ରେନବାସୀ ଏହା କରାଇ ଦେବେ ନାହିଁ । ବର୍ତ୍ତମାନ ବି ୟୁକ୍ରେନର ଅନେକ ସହରରେ ଋଷର ବୋମାମାଡ ଜାରି ରହିଥିବାବେଳେ କୃଷ୍ଣ ସାଗର ଉପକୂଳ ଓ ମାରିଓପଲ ସହରକୁ ଋଷ ସେନା ଘେରାବନ୍ଦୀରେ ରଖିଛନ୍ତି ।