ୟୁକ୍ରେନର ବାହାଦୂର ଯବାନ; ଋଷ ଟ୍ୟାଙ୍କକୁ ଅଟକାଇବା ପାଇଁ ନିଜ ସହ ଉଡାଇଲେ ବ୍ରିଜ୍

ନୂଆଦିଲ୍ଲୀ: ଯୁଦ୍ଧର ମାହୋଲ ଭିତରେ ଋଷ ସେନାକୁ ମାତ୍ ଦେବା ପାଇଁ ପ୍ରାଣପଣେ ଚେଷ୍ଟା କରୁଛି ୟୁକ୍ରେନ୍ । ଜୀବନକୁ ବାଜି ଲଗାଇ ଲଢୁଛନ୍ତି ୟୁକ୍ରେନ୍ ସୈନ୍ୟବାହିନୀ । ଏବେ ଜଣେ ସହିଦ ଯବାନଙ୍କୁ ନେଇ ଚର୍ଚ୍ଚା ଜୋର୍ ଧରିଛି ।

ଋଷ ସେନାର ଟ୍ୟାଙ୍କକୁ ଅଟକାଇବାକୁ ଯାଇ ୟୁକ୍ରେନର ଜଣେ ସୈନ୍ୟ ବ୍ରିଜ୍ ସହ ନିଜକୁ ବମରେ ଉଡାଇ ଦେଇଛନ୍ତି । ସେହି ଯବାନଙ୍କ ନାମ ଭିଟଲ୍ ଶକୁନ୍ ବୋଲି ଜଣାପଡିଛି । ଭିଟଲଙ୍କୁ ବୀର ଯୋଦ୍ଧାର ଆଖ୍ୟା ସହ ୟୁକ୍ରେନ୍ ସେନାବାହିନୀ ପକ୍ଷରୁ ସୋସିଆଲ୍ ମିଡ଼ିଆରେ ଏକ ପୋଷ୍ଟ କରାଯାଇଛି।

ସୂଚନା ଅନୁସାରେ, କ୍ରିମିଆ ନିକଟ ଖେରସାନରେ ଥିବା ଏକ ବ୍ରିଜରେ ଋଷ ସେନା ଦ୍ରୁତ ଗତିରେ ଆସୁଥିବା ବେଳେ ସେମାନଙ୍କୁ ଅଟକାଇବା ପାଇଁ ଲାଗିପଡିଥିଲେ ୟୁକ୍ରେନ୍ ସେନା । ଏସବୁ ଭିତରେ ଭିଟଲ୍ ମୋର୍ଚ୍ଚା ସମ୍ଭାଳିବା ସହ ବମରେ ବ୍ରିଜକୁ ଉଡାଇ ଦେଇଥିଲେ ।  ଯେପରି ଋଷ ସେନା ଆଉ ସହର ଭିତରକୁ ପ୍ରବେଶ କରିପାରିବେ ନାହିଁ । କିନ୍ତୁ ଏଥିରେ ଭିଟଲଙ୍କୁ ସହିଦ ହେବାକୁ ପଡିଥିଲା ।

ଯେଉଁ ବ୍ରିଜକୁ ଉଡାଯାଇଥିଲା, ତାହା ଋଷ ଅଧିକୃତ କ୍ରିମିଆକୁ ୟୁକ୍ରେନ୍ ସହ ଯୋଡିଥାଏ ।

ଅଧିକ ପଢନ୍ତୁ- ଭାରତ ଅଭିମୁଖେ ଏୟାର ଇଣ୍ଡିଆ ବିମାନ, ଫେରୁଛନ୍ତି ୟୁକ୍ରେନରେ ଫସିଥିବା ଭାରତୀୟ