ୟୁଜିସି ନିୟମରେ ପରିବର୍ତ୍ତନ, ପ୍ରତିମାସରେ ମିଳିବ ଫେଲୋସିପ୍ ଓ ସ୍କଲାରସିପ୍ ରାଶି

ନୂଆଦିଲ୍ଲୀ: ୟୁଜିସି ଫୋଲୋସିପ ପ୍ରଦାନରେ ନୂଆ ନିୟମ । ଆଗ ପରି ଆଉ ଅର୍ଥରାଶି ପାଇଁ ତିନି ମାସ କରିବାକୁ ପଡିବ ନାହିଁ ଅପେକ୍ଷା । ଏବେ ପ୍ରତି ମାସରେ ମିଳିବ ଫେଲୋସିପ୍ ଓ ସ୍କଲାରସିପ୍ । ପୂର୍ବ ନିୟମରେ ବ୍ଯାପକ ପରିବର୍ତ୍ତନ କରିଛନ୍ତି କେନ୍ଦ୍ର ଶିକ୍ଷା ମନ୍ତ୍ରାଳୟ । ଫଳରେ ମେଧାବୀ ଛାତ୍ରଛାତ୍ରୀ ଏବଂ ରିସର୍ଚ୍ଚ କରୁଥିବା ଛାତ୍ରଛାତ୍ରୀ ନିଜ ନିଜର ଫେଲୋସିପ୍ ଓ ସ୍କଲାରସିପ୍ ପ୍ରତି ମାସରେ ପାଇବେ ।

ପୂର୍ବରୁ ତିନି ମାସକୁ ଥରେ ମିଳୁଥିବା ଆର୍ଥିକ ସହଯୋଗ ଏବେ ପ୍ରତି ମାସରେ ପ୍ରଦାନ କରାଯିବ । ସେହିପରି ସିଧାସଳଖ ରିସର୍ଚ୍ଚଙ୍କ ଆକାଉଣ୍ଟକୁ ପଛାଯିବ ଏହି ଅର୍ଥ ରାଶି । ଅନ୍ୟପଟେ ମେଧାବୀ ଛାତ୍ରଛାତୀଙ୍କ ଆକାଉଣ୍ଟକୁ DBT ମୋଡରେ ଅର୍ଥ ଟ୍ରାନ୍ସଫର ହେବ । ଗତ ଅକ୍ଟୋବରରୁ ମାସିକିଆ ବ୍ୟବସ୍ଥା ହେଉଛି କାର୍ଯ୍ୟକାରୀ । ଏନେଇ ବିଶ୍ୱବିଦ୍ୟାଳୟ ଅନୁଦାନ ଆୟୋଗଙ୍କ ପକ୍ଷରୁ ପତ୍ର ମାଧ୍ୟମରେ ମିଳିଛି ସୂଚନା ।