ୟୁଜିସି ଗାଇଡଲାଇନ୍ର ହେବ ତର୍ଜମା: ପରୀକ୍ଷା ପାଇଁ ପ୍ରସ୍ତୁତ ରଖିବାକୁ ମନ୍ତ୍ରୀଙ୍କ ପରାମର୍ଶ
ଭୁବନେଶ୍ୱର: ଜୁନ ୧୭ ତାରିଖ ପରେ ଯେ କୈାଣସି ସମୟରେ ହୋଇପାରେ ପରୀକ୍ଷା । ଏଥିପାଇଁ ଛାତ୍ରଛାତ୍ରୀମାନେ ପ୍ରସ୍ତୁତ ରହିବା ପାଇଁ ପରାମର୍ଶ ଦେଇଛନ୍ତି ଉଚ୍ଚଶିକ୍ଷା ମନ୍ତ୍ରୀ ଅରୁଣ ସାହୁ । କହିଛନ୍ତି, ଲକଡାଉନର ସୁଯୋଗକୁ ହାତଛଡ଼ା କରନ୍ତୁନି ଛାତ୍ରଛାତ୍ରୀ । ସେପଟେ ୟୁଜିସି ଗାଇଡଲାଇନର ତର୍ଜମା କରି ଓଡିଶା ଯାହା ଠିକ ହେବ ତାହା ଗ୍ରହଣ କରିବ ବୋଲି ମନ୍ତ୍ରୀ କହିଛନ୍ତି । କରୋନା ଯୋଗୁଁ ଜୁନ ୧୭ ଯାଏ ବନ୍ଦ ରହିଛି ସମସ୍ତ ଶିକ୍ଷାନୁଷ୍ଠାନ ।
୧୭ ପରେ ଯେକୈାଣସି ସମୟରେ ହେବ ବିଶ୍ୱବିଦ୍ୟାଳୟରେ ପରୀକ୍ଷା । ଏଥିଲାଗି ଛାତ୍ରଛାତ୍ରୀମାନେ ପ୍ରସ୍ତୁତ ରହିବା ପାଇଁ ପୁନର୍ବାର ଅନୁରୋଧ କରିଛନ୍ତୁ ଉଚ୍ଚଶିକ୍ଷା ମନ୍ତ୍ରୀ ଅରୁଣ ସାହୁ । ଲକଡାଉନ ସମୟର ସୁଯୋଗକୁ ଭଲଭାବେ ଗ୍ରହଣ କରି ପାଠପଢାରେ ମନୋନିବେଶ କରିବା ପାଇଁ କହିଛନ୍ତି । ବୁଧବାର ୟୁଜିସି ବିଶ୍ୱବିଦ୍ୟାଳୟ ପାଇଁ ପ୍ରସ୍ତୁତ କରିଥିବା ସ୍ୱତନ୍ତ୍ର ଗାଇଡଲାଇନକୁ ଉଚ୍ଚଶିକ୍ଷା ବିଭାଗ ତର୍ଜମା କରି ଓଡ଼ିଶା ପରିପ୍ରେକ୍ଷୀରେ ଯାହା ଠିକ ହେବ ତାକୁ ଗ୍ରହଣ କରିବ । ଏଥିଲାଗି ଖୁବଶୀଘ୍ର ଉଚ୍ଚସ୍ତରୀୟ ବୈଠକ ବସି ନିଷ୍ପତ୍ତି ନିଆଯିବ ।
ସେପଟେ ବିଶ୍ୱବିଦ୍ୟାଳୟ ପାଇଁ ୟୁଜିସିର ଗାଇଡଲାଇନ ସ୍ୱାଗତଯୋଗ୍ୟ ବୋଲି ଶିକ୍ଷାବିତ ଓ ଛାତ୍ରଛାତ୍ରୀମାନେ କହିଛନ୍ତି । ବିଭିନ୍ନ ବିଶ୍ୱବିଦ୍ୟାଳୟରେ ସେମିଷ୍ଟାର, ମୂଲ୍ୟାୟନ ଓ ଶିକ୍ଷାବର୍ଷକୁ ନେଇ ୟୁଜିସି ଗାଇଡଲାଇନ ଛାତ୍ରଛାତ୍ରୀଙ୍କ ମନରେ ଆଶା ଉଜ୍ଜଳ କରିଛି । ତେବେ କଲେଜ ଖୋଲିବା ନେଇ ସ୍ଥିତି ଦେଖି ନିଷ୍ପତ୍ତି ନେଲେ ଭଲ ବୋଲି ଶିକ୍ଷାବିତ କହିଛନ୍ତି । ଛାତ୍ରଛାତ୍ରୀମାନେ ମଧ୍ୟ ୟୁଜିସିର ଗାଇଡଲାଇନକୁ ସ୍ୱାଗତ କରିବା ସହ ଲକାଡାଉନର ସୁବିନିଯୋଗ କରିଛନ୍ତି ବୋଲି କହିଛନ୍ତି ।
