ଉଗାଣ୍ଡାରେ ସବୁଠାରୁ ବଡ଼ ଗଣହତ୍ୟା, ୪୧ ଜଣଙ୍କୁ ହତ୍ୟା କଲା ଆଲାଏଡ ଡେମୋକ୍ରାଟିକ ଫୋର୍ସ

ନୂଆଦିଲ୍ଲୀ: ଉଗାଣ୍ଡାରେ ଚଳିତ ଦଶନ୍ଧିରେ ସବୁଠାରୁ ବଡ଼ ଗଣହତ୍ୟା । ୪୧ ଜଣଙ୍କୁ ହତ୍ୟା କରିଛନ୍ତି ଆଲାଏଡ ଡେମୋକ୍ରାଟିକ ଫୋର୍ସ । ମୃତକଙ୍କ ମଧ୍ୟରେ ଅଛନ୍ତି ୩୮ଜଣ ସ୍କୁଲ ଛାତ୍ରଛାତ୍ରୀ । ଉଗାଣ୍ଡାର ସୀମାନ୍ତ ମୋନ୍ଦଓ୍ବେ ଅନ୍ତର୍ଗତ ଲୁବିରିହା ସେକେଣ୍ଡାରୀ ସ୍କୁଲରେ ଘଟିଛି ଏହି ନରସଂହାର । ମୃତକଙ୍କ ମଧ୍ୟରେ ରହିଛନ୍ତି ଜଣେ ଜଗୁଆଳୀ ଓ ଦୁଇ ଜଣ ସାଧାରଣ ଲୋକ । ଆଲାଏଡ ଡେମୋକ୍ରାଟିକ ଫୋର୍ସ ସହ ଇସଲାମିକ ଷ୍ଟେଟ ଗ୍ରୁପର ସମ୍ପର୍କ ରହିଛି । ଏଡିଏଫର ଆକ୍ରମଣକୁ ପ୍ରତିହତ କରିବା ଲାଗି ଉଗାଣ୍ଡା ଓ ଡେମୋକ୍ରାଟିକ ରିପବ୍ଲିକ ଅଫ କଙ୍ଗୋ ପରୁ ମିଳିତ ସମରାଭ୍ୟାସ କରିବାର କିଛି ଦିନ ପରେ ଏହି ଗଣହତ୍ୟା ଘଟିଛି ।