ସଂସଦର ୪ ଦିନିଆ ଅଧିବେଶନ ଡାକନ୍ତୁ ମୋଦି, ଏମିତି କାହିଁକି କହିଲେ ଉଦ୍ଧବ ଠାକରେ…

ମୁମ୍ବାଇ: ମହାରାଷ୍ଟ୍ର ରାଜ୍ୟପାଳ ଓ ମୁଖ୍ୟମନ୍ତ୍ରୀଙ୍କ ମଧ୍ୟରେ ପୁଣି ଆଉ ଏକ ବିବାଦ ମୁଣ୍ଡ ଟେକିଛି । ମୁମ୍ବାଇର ସାକିନାକା ଅଞ୍ଚଳରେ ମହିଳାଙ୍କ ସହ ହୋଇଥିବା ଦୁଷ୍କର୍ମ ଓ ବର୍ବରୋଚିତ କାଣ୍ଡ ପରେ ରାଜ୍ୟରେ ମହିଳା ସୁରକ୍ଷା ନେଇ ଚିନ୍ତାବ୍ୟକ୍ତ କରିବା ସହ ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଥିଲେ ରାଜ୍ୟପାଳ । ଏହି ପ୍ରସଙ୍ଗରେ ଆଲୋଚନା ପାଇଁ ବିଧାନସଭାରେ ଦୁଇ ଦିନିଆ ବିଶେଷ ଅଧିବେଶନ ଡାକିବା ଲାଗି ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କୁ ଦାବି କରିଥିଲେ ।

ରାଜ୍ୟପାଳଙ୍କ ଏହି ପତ୍ରର ଉତ୍ତର ଦେବାରେ କୁଣ୍ଠାବୋଧ କରିନଥିଲେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଠାକରେ । ସଙ୍ଗେ ସଙ୍ଗେ ଉଦ୍ଧବ ଠାକରେ ତିନିପୃଷ୍ଠାର ପତ୍ର ଲେଖିଥିଲେ । କହିଥିଲେ ସାକିନାକା ଘଟଣାକୁ ନେଇ ରାଜ୍ୟପାଳଙ୍କ ଭଳି ସରକାର ମଧ୍ୟ ଚିନ୍ତିତ ।

ଉଦ୍ଧବ କହିଥିଲେ- ଦିଲ୍ଲୀ, ଗୁଜରାଟ, କାଶ୍ମୀର, ଉତ୍ତରପ୍ରଦେଶ ଭଳି ରାଜ୍ୟରେ ମହିଳାଙ୍କ ସହ ଅତ୍ୟାଚାର ହେଉଛି । ଏମିତିରେ ପୀଡ଼ିତ ମହିଳା ଆପଣଙ୍କୁ ଅପେକ୍ଷା କରିଛନ୍ତି, ଆପଣ ପ୍ରଧାନମନ୍ତ୍ରୀଙ୍କୁ ଅନୁରୋଧ କରନ୍ତୁ ମୋଦି ୪ ଦିନିଆ ସଂସଦ ଅଧିବେଶନ ଡାକିବେ । ଦେଶବ୍ୟାପୀ ମହିଳାଙ୍କ ଉପରେ ହେଉଥିବା ଅତ୍ୟାଚାର ନେଇ ଆଲୋଚନା କରିବେ ।